ໃນຕອນຄໍ່າຂອງວັນພຸດ, ວັນທີ 29 ມີນາ 2023 ທີ່ຜ່ານມາ ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ພາຍໃຕ້ການສະໜັບສະໜູນໂດຍໂຄງການ

ພັດທະນາອະຊີວະສຶກສາ (RECOTVET) ແລະ ໂຄງການ VELA ຂອງ ອົງການຮ່ວມມື ລາວ-ເຢຍລະມັນ (GIZ) ປະຈຳລາວ ໄດ້ຈັດງານ “ມອບລາງວັນທຸລະກິດອາຊຽນດີເດັ່ນແຫ່ງ ສປປ ລາວ ແລະ ລາງວັນການພັດທະນາສີມືແຮງງານ ປະຈຳປີ 2022 ທີ່ ໂຮງແຮມ ເມືອງແທ່ງ.
ໃຫ້ກຽດມອບໂລ່ລາງວັນໃຫ້ກັບຜູ້ຊະນະເລີດໂດຍ ພະນະທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ ແຫ່ງ ສປປ ລາວ, ລັດຖະມົນຕີກະຊວງການຕ່າງປະເທດ, ເຊິ່ງນອກຈາກນີ້ຍັງມີແຂກເຂົ້າຮ່ວມໂດຍ ທ່ານ ມະໄລທອງ ກົມມະສິດ, ມລັດຖະມົນຕີ ກະຊວງອຸດສາຫະກຳ ແລະ ການຄ້າ, ທ່ານ ປອ ນາງ ສີສຸກ ວົງວິຈິດ, ຮອງລັດຖະມົນຕີກະຊວງສຶກສາທິການ ແລະ ກິລາ ທ່ານເອກອັກຄະລັດຖະທູດສະຫະພັນເຢຍລະມັນ ປະຈຳລາວ, ຕາງຫນ້າທູດຕານຸທູດ ປະຈຳລາວ, ອົງການຈັດຕັ້ງສາກົນ ປະຈຳລາວ ແລະ ຜູ້ສື່ຂ່າວ ລວມເຖິງບັນດານັກທຸລະກິດ, ວິທຍາໄລ ແລະ ຄູຝຶກຂອງສະຖານປະກອບການເຂົ້າຮ່ວມ.