ໃນຕອນບ່າຍຂອງວັນທີ 11 ທັນວາ 2020 ໄດ້ມີງານພົບປະຄະນະບໍລິຫານງານຂອງ ສະພາການຄ້າ ແລະ ອຸດສາຫະກຳແຫ່ງຊາດລາວຊຸດທີ VIII ທີ່ ໂຮງແຮມ ອິນທິລາ, ເມືອງວັງວຽງ, ແຂວງວຽງຈັນ ເຊິ່ງເປັນປະທານຮ່ວມໂດຍທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ທ່ານ ສູນທອນ ພົມມະຈັກ ປະທານທີ່ປືກສາ ສະພາການຄ້າ ແລະ ອຸດສາຫະກຳແຫ່ງຊາດລາວ.

ຈຸດປະສົງຂອງການປະຊຸມແມ່ນເພື່ອສະຫລຸບລາຍງານການເຄື່ອນໄຫວ 3 ເດືອນທີ່ຜ່ານມາ ແລະ ຜ່ານກົດລະບຽບ ຂອງ ສະພາການຄ້າ ແລະ ອຸດສາຫະກຳແຫ່ງຊາດລາວ ນອກຈາກນີ້ ຍັງໄດ້ໂອ້ລົມເຖິງແຜນການເຄື່ອນໄຫວ 1 ປີຕໍ່ຫນ້າເພື່ອແນໃສ່ສ້າງຄວາມເຂັ້ມແຂງໃຫ້ກັບພາກທຸລະກິດ.