ກອງປະຊຸມປິດຝຶກອົບຮົມໃນການສ້າງຂີດຄວາມສາມາດໃຫ້ແກ່ວິທະຍາກອນ/ຜູ້ອຳນວຍຄວາມສະດວກ, ໃນວັນທີ 31 ພຶດສະພາ 2023, ທີ່ໂຮງແຮມຝືກປະຕິບັດ (the Academy)

ທ່ານ ພູໄຊ ເທບພະວົງ, ເລຂາທິການ ສະພາການຄ້າ ແລະ ອຸດສາຫະກຳ ແຫ່ງຊາດລາວ(ສຄອຊ) ໄດ້ເຂົ້າເປັນປະທານຮ່ວມ ທ່ານ ທອງສາ ອິນທະວົງ, ຮອງຫົວໜ້າກົມອາຊີວະ, ກະຊວງ ສຶກສາທິການ ແລະ ກິລາ, ທ່ານ ປອ. ບຸນມາ ສິດທິໂສມ, ຫົວໜ້າ ສະຖາບັນພັດທະນາສີມືແຮງງານ, ກະຊວງແຮງງານ ແລະ ສະຫວັດດີການສັງຄົມ, ທ່ານ ຫົວໜ້າໂຄງການ VELA2, GIZ ພ້ອມດ້ວຍຊ່ຽວຊານ ແລະ ນັກສໍາມະນາກອນເຂົ້າຮ່ວມໃນຄັ້ງນີ້ ແມ່ນມີຫຼາຍພາກສ່ວນເຈົ້າຮ່ວມເຊິ່ງຕົວແທນຈາກຜູ້ອອກແຮງງານ, ຜູ້ສະໜອງການຝືກອົບຮົມ, ແລະ ຕົວແທນຜູ້ໃຊ້ແຮງງານ (ສະຖານປະກອບການເຂົ້າຮ່ວມ) ໂດຍໄດ້ຮັບການສະໜັບສະໜູນຂອງໂຄງການ VELA2, GIZ

ກອງປະຊຸມປິດຝຶກອົບຮົມໃນການສ້າງຂີດຄວາມສາມາດໃຫ້ແກ່ວິທະຍາກອນ/ຜູ້ອຳນວຍຄວາມສະດວກ ແມ່ນໄດ້ດຳເນີນເປັນເວລາໜຶ່ງອາທິດ ນັບແຕ່ວັນທີ 24/5/- 31/5/2023 ເວົ້າສະເພາະ ແມ່ນການສ້າງ ແລະ ພັດທະນາມາດຕະຖານອາຊີບດ້ານຂະແໜງການລົດຍົນ ແລະ ຂະແໜງການກະສິກຳ, ໃນການພັດທະນາມາດຕະຖານອາຊີບແມ່ນປະກອບດ້ວຍຫຼາຍຂັ້ນຕອນ ເພື່ອຮັບປະກັນຄຸນນະພາບທີ່ຕ້ອງການ ແລະ ການບໍລິຫານກ່ຽວກັບລະດັບຄວວາມຕ້ອງການ ແລະ ການຕອບສະໜອງ ເຊີ່ງລ້ວນແລ້ວແຕ່ໄດ້ຜ່ານແຕ່ລະຂັ້ນຕອນ. ສະພາການຄ້າ ແລະ ອຸດສາຫະກຳ ແຫ່ງຊາດລາວ, ໃນນາມຕາງໜ້າຜູ້ໃຊ້ແຮງງານ ເຫັນໄດ້ເຖິງຄວມສຳຄັນໃນການສ້າງ ແລະ ພັດທະນາມາດຕະຖານອາຊີບໃນແຕ່ລະຂະແໜງການ ເພື່ອຕອບສະໜອງຕາມຄວາມຮຽກກຮ້ອງຕ້ອງການຂອງຕະຫຼາດແຮງງານໃນປະຈຸບັນ