ນະຄອນຫຼວງ ວຽງຈັນ, ສປປ ລາວ – ວັນທີ 27 ພຶດສະພາ 2025 – ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ), ຮ່ວມມືກັບ ກົມອາຊີວະສຶກສາ (ກົມ ອສ), ກະຊວງສຶກສາທິການ ແລະ ກິລາ (ສສກ),

ແລະ ໄດ້ຮັບການສະໜັບສະໜູນຈາກໂຄງການຂໍ້ລິເລີ່ມດ້ານອາຊີວະສຶກສາອາຊຽນ-ສະວິດເຊີແລນ (ASTI) ໄດ້ຈັດກອງປະຊຸມປຶກສາຫາລືຮ່ວມກັນເພື່ອພັດທະນາຄວາມຮ່ວມມືດ້ານການຮຽນວິຊາຊີບຢູ່ສະຖານປະກອບການ (WBL).

ກອງ​ປະ​ຊຸມຄັ້ງນີ້ມີຈຸດມຸ່ງໝາຍ​ເພື່ອ​ແນ​ໃສ່​ເພີ່ມ​ທະ​ວີ​ການ​ຮ່ວມ​ມື​ລະ​ຫວ່າງ​ສະຖານປະກອບການ ແລະ ສະ​ຖາ​ບັນ​ອາ​ຊີວະສຶກສາ​ໂດຍ​ຜ່ານ​ການ​ພັດ​ທະ​ນາ​ບົດ​ບັນ​ທຶກ​ຄວາມ​ເຂົ້າ​ໃຈ (MoU) ແລະ ກົນ​ໄກ​ປະ​ສານ​ງານ​ໂດຍລະ​ອຽດ. ຫົວ​ຂໍ້​ທີ່​ສໍາ​ຄັນ​ລວມ​ມີ​ສັນ​ຍາ​ ​ແລະ ​ເອ​ກະ​ສານປະກອບການ​ຝຶກ​ອົບ​ຮົມ​, ການ​ພັດ​ທະ​ນາ​ແຜນ​ການ​ຝຶກ​ອົບ​ຮົມ​ຮ່ວມ​ກັນ, ການ​ຕິດ​ຕາມ ການ​ປະ​ເມີນ​ຜົນ​ຜູ້ຮຽນ ແລະ ຄູຝຶກໃນສະຖານປະກອບການ, ການ​ກໍາ​ນົດ​ພາ​ລະ​ບົດ​ບາດ​ ແລະ​ ຄວາມ​ຮັບ​ຜິດ​ຊອບ​ຂອງ​ຜູ້​ປະ​ສານ​ງານ ການຮຽນວິຊາຊີບຢູ່ສະຖານປະກອບການ​. ນອກຈາກນັ້ນ, ຍັງມີການປຶກສາຫາລືກ່ຽວກັບຍຸດທະສາດໃນການສົ່ງເສີມໂຄງການ WBL ໃຫ້ແກ່ບັນດາກຸ່ມເປົ້າໝາຍ.

ຂໍ້ລິເລີ່ມນີ້ ຖືເປັນບາດກ້າວອັນສຳຄັນໃນການຍົກລະດັບຄຸນນະພາບ ແລະ ຄວາມກ່ຽວຂ້ອງຂອງການສຶກສາດ້ານອາຊີວະສຶກສາ ໂດຍຜ່ານການມີສ່ວນຮ່ວມໃນອຸດສາຫະກຳທີ່ເຂັ້ມແຂງຂຶ້ນຕື່ມ ແລະ ໂອກາດການຝຶກອົບຮົມພາກປະຕິບັດໃຫ້ແກ່ຜູ້ຮຽນ.