ທ່ານ ປອ ນາງ ວາລີ ເວດສະພົງ ຮອງ ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ຮັກສາການ ປະທານສະມາຄົມ ທຸລະກິດການຢາ ແລະ ອຸປະກອນການແພດ, ໃຫ້ກຽດເປັນປະທານຮ່ວມກັບ ທ່ານ ປອ ບຸນຊູ ແກ້ວຫາວົງ ຫົວໜ້າ ກົມອາຫານ ແລະ ຢາ, ກະຊວງ ສາທາລະນະສຸກ ໃນກອງປະຊຸມ ຄະນະສະມາຄົມທຸລະກິດການຢາ ແລະ ຜະລິດຕະພັນການແພດ ຂອງ ສປປ ລາວ ເຊິງຈຸດປະສົງຂອງກອງປະຊຸມໃນມື້ນີແມ່ນເພື່ອກະກຽມໃຫ້ແກ່ການເປີດກອງປະຊຸມ ແລະ ວາງທິດທາງແຜນການເຄື່ອນໄຫວຂອງສະມາຄົມທຸລະກິດການຢາ ແລະ ຜະລິດຕະພັນການແພດ ຂອງ ສປປ ລາວ ໃຫ້ໄດ້ຮັບຜົນຕາມຄາດໝາຍ.

ສະພາການຄ້າ ແລະ ອຸດສາຫະກຳແຫ່ງຊາດລາວ ແມ່ນອົງການຈັດຕັ້ງທີ່ສ້າງຄວາມເຂັ້ມແຂງໃຫ້ແກ່ ສະມາຄົມ ຊ່ວຍເຫລືອ ສະມາຄົມ ແລະ ໃຫ້ຄວາມສຳຄັນໃນວຽກງານດັ່ງກ່າວ, ພາຍໃນກອງປະຊຸມໄດ້ມີການແຕ່ງຕັ້ງ ອານຸກຳມະການ ເພື່ອເປັນການແບ່ງວຽກ, ໄດ້ມີການຮ່າງຂໍ້ຕົກລົງ ໃນການກະກຽມຈັດກອງປະຊຸມ ແລະ ການກຳນົດວັນເວລາໃຫ້ມີຄວາມພ້ອມທີ່ສຸດ ເພື່ອຈະຈັດກອງປະຊຸມສະໄໝສາມັນຂອງສະມາຄົມ ແລະ ເຊີນຊວນລະດົມທຸລະກິດການຢາໃຫ້ເຂົ້າເປັນສະມາຊິກຂອງກຸ່ມສະມາຄົມ.