ໃນຕອນເຊົ້າຂອງວັນທີ 12 ພະຈິກ 2021 ,ກອງປະຊຸມຮູບແບບທາງໄກເປັນກຽດເຂົ້າຮ່ວມຂອງທ່ານ ວັນທອງ ສິດທິກູນ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດ, ທ່ານ Lee Dong Eung ຊ່ຽວຊານຮັບຜິດຊອບສະໜັບສະໜູນຕ່າງຫນ້າຜູ້ໃຊ້ແຮງງານ, ທ່ານ ນາງ ເຂັມພອນ ເຜົ່າຄຳແກ້ວ ຜູ້ປະສານງານອົງການແຮງງານສາກົນປະຈຳ ສ ປປ ລາວ ພ້ອມດ້ວຍບັນດາ ຄະນະບໍລິຫານງານ , ຄະນະປະທານສະພາການຄ້າ ແລະ ອຸດສາຫະກຳ ແຂວງ, ຄະນະກຳມະທິການຕ່າງໜ້າຜູ້ໃຊ້ແຮງງານ ແລະ ອຸດສາຫະກຳ ແລະ ບັນດາສະມາຄົມກຸ່ມທຸລະກິດ ສຄອຊ ແລະ ສະມາຊິກ ສຄອຊ ລວມທັງໝົດ 60 ທ່ານ , ຍິງ 20 ທ່ານ

ກອງປະຊຸມໄດ້ປືກສາຫາລືປະກອບຄຳເຫັນໃສຮ່າງແຜນງານຮ່ວມມືເພື່ອສົ່ງເສີມວຽກທີມີຄຸນຄ່າ ແລະ ເປັນທຳ ໃນ ສ ປປ ລາວ ໄລຍະປີ 2022-2026 ໂດຍສະເພາະໃນການສະໜັບສະໜູນການພັດທະນາພາກທຸລະກິດ ໂດຍ ການສ້າງສະພາບແວດລ້ອມເພືອອຳນວຍຄວາມສະດວກຕໍ່ການດຳເນີນທຸລະກິດ , ສຸຂະພາບ ແລະຄວາມປອດໄພ , ການສ້າງຄວາມເຂັ້ມແຂງໃຫ້ອົງການສາມຝ່າຍ , ການພັດທະນາສີມືແຮງງານ ແລະ ການດຳເນີນທຸລະກິດທີເປັນມິດຕໍ່ສິງແວດລ້ອມ .