ນະຄອນຫຼວງວຽງຈັນ – ໃນວັນທີ 04 ທັນວາ 2025, ທີ່ໂຮງແຮມຄຣາວພາຊ່າ, ໄດ້ຈັດກອງປະຊຸມ ເຜີຍແຜ່ກົນໄກການຮ່ວມມືສາມຝ່າຍໃນການກະກຽມຄວາມພ້ອມຮັບມື ແລະ ຕອບໂຕ້ໄພພິບັດໄພພິບັດຢູ່ ສປປ ລາວ LDPP

ທ່ານ ສະເຫຼີມໄຊ ທ່ຽງທຳ, ຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ຮອງປະທານຄະນະກຳມະທິການຕ່າງໜ້າຜູ້ໃຊ້ແຮງງານ ແລະ ອຸດສາຫະກຳ, ສຄອຊ ໄດ້ເຂົ້າເປັນປະທານຮ່ວມໃນກອງປະຊຸມ ໃຫ້ກຽດກ່າວເປີດກອງປະຊຸມໂດຍ ທ່ານ ວົງຄໍາ ພັນທະນຸວົງ ຫົວໜ້າກົມສັງຄົມສົງເຄາະ, ກະຊວງ ແຮງງານ ແລະ ສະຫວັດດີການສັງຄົມ, ມີບັນດາ ທ່ານ ຕາງໜ້າຈາກຄະນະກົມສັງຄົມສົງເຄາະ, ພະແນກການທີ່ກ່ຽວຂ້ອງ, ກະຊວງທີ່ກ່ຽວຂ້ອງ, ຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ຕ່າງໜ້າສະມາຄົມ ກຸ່ມຂະແໜງການ ທຸລະກິດ, ອົງການຈັດຕັ້ງທາງສັງຄົມລາວ, ໂຄງການ ADPC, ພ້ອມດ້ວຍ ແຂກທີ່ຖືກເຊີນເຂົ້າຮ່ວມ.

ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອເປັນການເຜີຍແຜ່ເຖີງການຈັດຕັ້ງປະຕິບັດ ເຜີຍແຜ່ ທີໂອອ່າ ຂອງກົນໄກການກະກຽມຄວາມພ້ອມຮັບມື ແລະ ຕອບໂຕ້ໄພພິບັດຢູ່ ສປປ ລາວ LDPP ເຊີ່ງເປັນກົນໄກທີ່ໄດ້ຮ່ວມສາມຝ່າຍ, ກົດໝາຍວ່າດ້ວຍໄພພິິບັດ, ແຜນຍຸດທະສາດກ່ຽວກັບການຫຼຸດຜ່ອນໄພພິບັດ ແຫ່ງຊາດ LDPP (Laos Disaster Preparedness Partnership) ເພື່ອໃຫ້ພາກທຸລະກິດເອກະຊົນ, ສະມາຄົມ ກຸ່ມທຸລະກິດ ລວມໄປເຖີງ ຂະແໜງການທຸລະກິດຕ່າງໆ ໄດ້ມີຄວາມເຂົ້າໃຈກ່ຽວກັບວຽກງານດັ່ງກ່າວ.