ໃນວັນທີ 5 ຕຸລາ 2021, ສະພາການຄ້າ ແລະ ອຸດສາຫະກໍາ ແຫ່ງຊາດລາວ ໄດ້ເຂົ້າຮ່ວມ ກອງປະຊຸມປຶກສາຫາລືກ່ຽວກັບໂຄງປະກອບເຄືອຂ່າຍ DMN ຂອງ ສປປ ລາວ ແລະ ພິທີເຊັນບົດບັນທຶກຄວາມເຂົ້າໃຈລະຫວ່າງ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ແລະ ໂຄງການພັດທະນາໂຄງລ່າງພື້ນຖານເພື່ືອສົ່ງເສີມການທ່ອງທ່ຽວ ໄລຍະ1, ກົມພັດທະນາການທ່ອງທ່ຽວ, ກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ ທີ່ ໂຮງແຮມ ຄຣາວພຣາຊ່າ. ໂດຍການເປັນປະທານ ຂອງທ່ານ ນາງ ຈັນທະຈອນ ວົງໄຊ ຮອງປະທານ ສຄອຊ, ທ່ານ ສູນ ມະນີວົງສ໌ ຫົວໜ້າໂຄງການ ພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວ ແລະ ທ່ານ ນາງ ດາລານີ ພົມມະວົງສາ ຫົວໜ້າກົມ ຄຸ້ມຄອງການທ່ອງທ່ຽວ, ກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ.

ເຊິ່ງໃນການລົງນາມບົດບັນທຶກຄວາມເຂົ້າໃຈໃນຄັ້ງນີ້, ໂດຍທ່ານ ຄໍາຫຼ້າ ພົມມະວັນ ຮອງປະທານກວດກາ ແລະ ເປັນປະທານຄະນະກໍາມະທິການທ່ອງທ່ຽວ ສຄອຊ ແລະ ທ່ານ ນາງ ພອນມະລີ ອິນທະພົມ ຫົວຫນ້າກົມພັດທະນາການທ່ອງທ່ຽວ, ຜູ້ຈັດການໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວ, ກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ.
ໂດຍຈຸດປະສົງຫລັກ ແມ່ນເພື່ອເປັນການເພີ່ມທະວີການຮ່ວມມືຂອງສອງພາກສ່ວນ ລະຫວ່າງພາກລັດ ແລະ ພາກທຸລະກິດ ສໍາລັບໂຄງການລິເລີ່ມໃນວຽກງານການສົ່ງເສີມ ແລະ ຊຸກຍູ້ກິດຈະກຳ ໃນຂະແຫນງການທ່ອງທ່ຽວ ໃນ ສປປ ລາວ.