ກອງປະຊຸມລະດັບສູງຂອງພາກພື້ນວຽກງານສາມຝ່າຍ ໃນຫົວຂໍ້: High-level tripartite Regional Seminar On Industrial Relations in southeast Asia ໃນວັນທີ 22-24 ກຸມພາ 2023 ໂຮງແຮມ Bayside Azur Takeshiba, ທີ່ປະເທດຍີ່ປຸ່ນ

ທ່ານ ປອ ໄຊບັນດິດ ຣາຊະພົນ, ຮອງປະທານ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ໄດ້ເຂົ້າຮ່ວມ ກອງປະຊຸມລະດັບສູງຂອງພາກພື້ນວຽກງານສາມຝ່າຍ ໃນຫົວຂໍ້: High-level tripartite Regional Seminar On Industrial Relations in southeast Asia ທີ່ປະເທດຍີ່ປຸ່ນ ຮ່ວມກັບ ອົງການສາມຝ່າຍຕາງໜ້າ ກະຊວງແຮງງານ ແລະ ສະຫວັດດີການສັງຄົມ, ແລະ ຕາງໜ້າ ສູນກາງສະຫະພັນກຳມະບານ ເຂົ້າຮ່ວມ.

ຈຸດປະສົງ ຂອງການ ເຂົ້າຮ່ວມກອງປະຊຸມ ແມ່ນເພື່ອ ປຶກສາຫາລື ທົບທວນບັນຫາຂອງສາຍພົວພັນແຮງງານໃນອາຊີ ຕາເວັນອອກສຽງໃຕ້, ສ້າງຄວາມເຂົ້າໃຈ ກ່ຽວກັບບັນຫາ, ສິ່ງທ້າທາຍຂອງວຽກໃນອະນາຄົດ ແລະ ສົ່ງເສີມ, ຕິດຕາມ ການລິເລີ່ມຂໍ້ຍ່ອຍຂອງພາກພື້ນ ແລະ ການຮ່ວມມືຂອງບັນດາປະເທດອຸດສາຫະກຳໃນການເຕີບໂຕຂອງຄຸນນະພາບ ແລະ ການສົ່ງເສີມວຽກທີ່ມີຄຸນຄ່າ ແລະ ເປັນທຳໃນ ສປປ ລາວ.