ສະພາການຄ້າ ແລະ ອຸດສາຫະກໍາ ແຫ່ງຊາດລາວ (ສຄອຊ) ແລະ ສູນການຄ້າສາກົນ ໄດ້ຈັດກອງປະຊຸມເຜີຍແຜ່ ຖານຂໍ້ມູນຂ່າວສານກ່ຽວກັບຄຸນະພາບເພື່ອການຄ້າ ຂຶ້ນໃນວັນທີ 24 ພະຈິກ ທີ່ນະຄອນຫຼວງວຽງຈັນ. ກອງ​ປະຊຸມດັ່ງກ່າວແມ່ນ​ແນ​່ໃສ່ການ​ນຳສະເໜີ ​ຖານຂໍ້ມູນຂ່າວສານດ້ານ​ຄຸນ​ນະພາ​ບສິນຄ້າເພື່ອສົ່ງອອກຂອງ ສປປ ລາວ ​ແລະ ​ໃຫ້​ຄຳ​ແນະນຳ​ຂັ້ນ​ຕອນ​ກ່ຽວ​ກັບ​ການ​ນຳ​ໃຊ້ຖານຂໍ້ມູນ​ດັ່ງກ່າວ ລວມໄປເຖີງວິທີການລົງທະບຽນ.

ການເຂົ້າເຖິງຂໍ້ມູນທີ່ກ່ຽວຂ້ອງດ້ານຄຸນນະພາບການສິນຄ້າ ເພື່ອການສົ່ງອອກ, ການເຂົ້າເຖີງຖານຂໍ້ມູນຄຸນນະພາບເພື່ອການຄ້າແມ່ນເປັນອຸປະສັກຂັດຂວາງທີ່ເຮັດໃຫ້ ທຸລະກິດຂະໜາດນ້ອຍ ແລະ ກາງ  ບໍ່ສາມາດເຂົ້າເຖີງຕະຫຼາດສາກົນໄດ້. ການປະຕິບັດຕາມກົດລະບຽບ ແລະ ຂໍ້ກຳນົດດ້ານວິຊາການ, ມາດຕະຖານ ແລະ ຄວາມຕ້ອງການຂອງຜູ້ຊື້ທີ່ມີການປ່ຽນແປງຢ່າງຕໍ່ເນື່ອງຍັງຖືເປັນສິ່ງທ້າທາຍຕໍ່ຜູ້ຜະລິດ ແລະ ຜູ້ສົ່ງອອກໃນປະເທດທີ່ກໍາລັງພັດທະນາ.

ຖານຂໍ້ມູນຂ່າວສານຄຸນະພາບເພື່ອການຄ້າຂອງ ສປປ ລາວ (Laos Quality for Trade platform) ເປັນສູນລວມຂໍ້ມູນທີ່ສາມາດຄົ້ນຫາ ຂໍ້ມູນດ້ານຄຸນນະພາບທີ່ກ່ຽວຂ້ອງສໍາລັບສິນຄ້າທີ່ເປັນບູລິມະສິດໃນຕະຫຼາດເປົ້າຫມາຍ, ຄໍາແນະນໍາກ່ຽວຄຸນນະພາບສິນຄ້າ, ການແລກປ່ຽນປະສົບການຈາກຜູ້ທີ່ປະສົບຜົນສຳເລັດໃນການສົ່ງອອກ, ການສ້າງເຄືອຂ່າຍກັບສະຖາບັນຫຼືບຸກຄົນທີ່ສາມາດໃຫ້ການຄຳແນະດ້ານຄຸນນະພາບສິນຄ້າ, ຖານຂໍ້ມູນຂ່າວສານຄຸນນພາບເພື່ອການຄ້າຂອງ ສປປ ລາວ ໄດ້ສະໜອງຂໍ້ມູນ SMEs, ແລະ ສະຖາບັນທີ່ໃຫ້ຄຳປືກສາດ້ານຄຸນນະພາບສິນຄ້າ,ໃຫ້ທຸກຄົນທົ່ວໄປທີ່ເຂົ້າມາເບີ່ງຖານຂໍ້ມູນນີ້.

ໂດຍສອດຄ່ອງກັບ ໂຄງການ ແບບຢ່າງດ້ານຄຸນນະພາບ, ‘’Quality Champion’’  (QCs)   ທີ່ສະຫນອງຂໍ້ມູນຊ່ຽວຊານດ້ານຄຸນນະພາບ ແລະ ຜູ້ໃຫ້ບໍລິການ ຖານຂໍ້ມູນຂ່າວສານຄຸນນະພາບເພື່ອການຄ້າ ຂອງ ສປປ ລາວ (Laos Quality for Trade platform) ປະກອບດ້ວຍ 4 ຖານຂໍ້ມູນໃຫ່ຍຄື, Quality Compass, Quality Connect, Quality Insights and Quality Success.

ຜູ້ເຂົ້າຮ່ວມກອງປະຊຸມມີບັນດາຜູ້ຕາງໜ້າຈາກບັນດາກົມທີ່ກ່ຽວຂ້ອງຈາກ ກະຊວງອຸດສາຫະກຳ ແລະ ການຄ້າ, ກະຊວງສາທາລະນະສຸກ, ກະຊວງກະສີກຳ ແລະ ປ່າໄມ້ ແລະ ກຸ່ມ, ສະມາຄົມທຸລະກິດ. ຜູ້ບັນຍາຍໂດຍຜູ້ຊ່ຽວຊານດ້ານຄຸນນະພາບຂອງສູນການຄ້າສາກົນ

ຖານຂໍ້ມູນຂ່າວສານຄຸນະພາບເພື່ອການຄ້າ ຂອງ ສປປ ລາວ (Laos Quality for Trade platform) ​ເປັນຖານຂໍ້ມູນເພື່ອ​ເສີມ​ຂະຫຍາຍ​ການ​ເຊື່ອມ​ຕໍ່​ລະຫວ່າງ​ບັນດາ​ສະ​ຖາ​ບັນ ​ແລະ ປະຊາ​ຄົມ​ທຸລະ​ກິດ. ໃນຂັ້ນຕອນຕໍ່ໄປແມ່ນພວກເຮົາຈະພັດທະນາຖານຂໍ້ມູນນີ້ເປັນພາສາລາວເພື່ອຮັບປະກັນວ່າ ຖານຂໍ້ມູນນີ້ທຸກພາກສ່ວນແມ່ນສາມາດເຂົ້າເຖິງໄດ້ ບໍ່ວ່າຈະເປັນຜູ້ໃຫ້ບໍລິການດ້ານຄຸນະພາບ ແລະ ບັນດາທຸລະກິດໃນ ສປປລາວທັງຫມົດ.” ກ່າວໂດຍທ່ານ Joshua Olson, ຊ່ຽວຊານສາກົນ ກ່ຽວກັບ ຄຸນະພາບເພື່ອການຄ້າ, ITC.

ຖານຂໍ້ມູນຂ່າວສານກ່ຽວກັບຄຸນະພາບເພື່ອການຄ້າຂອງ ສປປ ລາວ (Laos Quality for Trade platform) ແມ່ນໄດ້ຮັບການຈັດຕັ້ງປະຕິບັດໂດຍ ITC ໂດຍຜ່ານໂຄງການຊ່ວຍເຫຼືອດ້ານການເຊື່ອມໂຍງພາກພື້ນອາຊຽນຈາກ EU – ສປປ ລາວ ແລະ ໄດ້ຮັບການສະໜັບສະໜູນຈາກສະຫະພາບເອີຣົບ. ສະພາການຄ້າ ແລະ ອຸດສາຫະກຳແຫ່ງຊາດລາວ ເປັນຜູ້ປະສານງານຫຼັກ.

ທ່ານສາມາດເຂົ້າເຖິງຖານຂໍ້ມູນໄດ້ທີ່: https://qualityfortrade.intracen.org/laodr