ກອງປະຊຸມປຶກສາຫາລື ລະຫວ່າງ ຂະແໜງການກ່ຽວຂ້ອງຂອງພັກລັດ ແລະ ພາກທຸລະກິດ

ກອງປະຊຸມປຶກສາຫາລື ລະຫວ່າງ ຂະແໜງການກ່ຽວຂ້ອງຂອງພັກລັດ ແລະ ພາກທຸລະກິດ ບັນຫາທີ່ຕິດພັນກັບການອຳນວຍຄວາມສະດວກ ທາງດ້ານການຄ້າ ແລະ ພາສີ-ອາກອນ

ວັນທີ 16 ກັນຍາ 2020, ກົມການນຳເຂົ້າ ແລະ ສົ່ງອອກ, ກະຊວງອຸດສາຫະກຳ ແລະ ການຄ້າ ຮ່ວມກັບ ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ໄດ້ຈັດກອງປະຊຸມປຶກສາຫາລືລະຫວ່າງ ຂະແໜງການທີ່ກ່ຽວຂ້ອງ ຂອງພາກລັດ ແລະ ພາກທຸລະກິດ ໃນຫົວຂໍ້ ບັນຫາທີ່ຕິດພັນກັບ ການອຳນວຍຄວາມສະດວກ ທາງດ້ານການຄ້າ ແລະ ພາສີ-ອາກອນ ທີ່ ໂຮງແຮມ ແລນມາກແມ່ຂອງລີເວີໄຊ ໂດຍ ການເປັນປະທານຮ່ວມກັນຂອງ ທ່ານ ນາງ ເຂັມມະນີ ພົນເສນາ, ລັດຖະມົນຕີ ກະຊວງອຸດສາຫະກຳ ແລະ ການຄ້າ, ຮອງຫົວໜ້າຄະນະກຳມະການຊີ້ນຳລວມ ອຳນວຍຄວາມສະດວກທາງດ້ານການຄ້າ ຂັັ້ນສູນກາງ ແລະ ທ່ານ ອຸເດດ ສຸວັນນະວົງ, ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ. ນອກນັ້ນ ຍັງມີ ບັນດາຜູ້ເຂົ້າຮ່ວມກໍ່ຄື ຕາງໜ້າຂະແໜງການທີ່ກ່ຽວຂ້ອງຂອງພາກລັດ ແລະ ຕາງໜ້າຜູ້ປະກອບການພາກທຸລະກິດຂະແໜງຕ່າງໆ ເປັນຕົ້ນແມ່ນ ຂະແໜງ ການຂົນສົ່ງ ແລະ ຈັດສົ່ງສິນຄ້າ, ການຄ້າ, ການຜະລິດ, ການກະສິກຳ, ແລະ ຕາງໜ້າຜູ້ປະກອບການ ຕ່າງປະເທດໃນ ສປປ ລາວ ໂດຍສະເພາະ ແມ່ນຈາກສະພາການຄ້າ ຍີປຸ່ນ, ອົດສຕຣາລີ, ສະຫະລັດອາເມລິີກາ, ແລະ ສະຫະພັນເອີຣົບ.

ຈຸດປະສົງຂອງກອງປະຊຸມ ແມ່ນເພື່ອເປີດໂອກາດໃຫ້ ໃຫ້ຜູ້ເຂົ້າຮ່ວມ ໄດ້ນໍາສະເໜີ ຂໍ້ຫຍຸ້ງຍາກ ແລະ ວິທີແກ້ໄຂ ຂໍ້ຫຍຸຸ້ງຍາກ ທີີ່ຕິດພັນກັບການອຳນວຍຄວາມສະດວກທາງດ້ານການຄ້າ, ພາສີ, ແລະ ອາກອນ ໂດຍສະເພາະແມ່ນຕໍ່ກັບ:

ຂັັ້ນຕອນການອະນຸຍາດ ແຜນນຳເຂົ້າສິນຄ້າ ແລະ ວັດຖຸດິບ ທີີ່ໄດ້ຮັບການຍົກເວັັ້ນພາສີ ແລະ ອາກອນມູນຄ່າເພີີ່ມ ພາຍໃຕ້ກົດໝາຍສົ່ງເສີມການລົງທຶນ
ການນຳໃຊ້ລະບົບ LNSW ທີີ່ຍັງບໍ່ສົມບູນ
ການນຳເຂົ້າສິນຄ້າ ທີີ່ປະຕິບັດບໍ່ຖືກຕ້ອງຕາມລະບຽບກົດໝາຍ
ຂັັ້ນຕອນການອະນຸມັດເອກະສານເພືີ່ອຊຳລະພາສີຢູ່ສາງສິນຄ້າ (ທ່ານາແລ້ງ)
ການອຳນວຍຄວາມສະດວກໃຫ້ແກ່ການຂົນສົ່ງສິນຄ້າພາຍໃນປະເທດ
ຄ່າທຳນຽມໃບອະນຸຍາດນຳເຂົ້າ ແລະ ສົ່ງອອກ ສິນຄ້າກະສິກຳ
ການສົ່ງຄືນອາກອນມູນຄ່າເພີີ່ມ ສຳລັບທຸລະກິດທີີ່ຜະລິດສິນຄ້າເພືີ່ອສົ່ງອອກ
ອັດຕາພາສີນຳເຂົ້າສຳລັບວັດຖຸເຄິີ່ງສຳເລັດຮູບ ເພືີ່ອມາຮັບໃຊຸ້ການຜະລິດ ບໍ່ເປັນການສົ່ງເສີມ ການຜະລິດພາຍໃນ

ການເກັບອາກອນມູນຄ່າເພີີ່ມຈາກຄ່າບໍລິການຂົນສົ່ງສິນຄ້າຜ່ານແດນສາກົນ ແລະ ຂ້າມແດນ
ຂັັ້ນຕອນການຂໍອະນຸຍາດຂົນສົ່ງສິນຄ້າຜ່ານແດນ ສຳລັບສິນຄ້າ ທີີ່ບໍ່ຢູ່ໃນລາຍການສິນຄ້າເກືອດຫ້າມ
ລາຄາຄ່າຂົນສົ່ງສິນຄ້າ ແພງ

ນອກຈາກນີ້ ຜູ່ເຂົ້າຮ່ວມກອງປະຊຸມກໍ່ຄືພາກທຸລະກິດ ກໍ່ໄດ້ຮ່ວມປຶກສາຫາລືຂໍ້ສະເໜີ ຮ່ວມກັບຂະແໜງການທີ່ກ່ຽວຂ້ອງຂອງລັດຖະບານ, ຢ່າງກົງໄປກົງມາ ແລະ ຮັບເອົາບັນຫາທີ່ພາກທຸລະກິດສະເໜີ ໄປຄົ້ນຄວ້າຕື່ມ ເພື່ອຊອກຫາວິທີແກ້ໄຂຮ່ວມກັນ ຢ່າງມີປະສິດຕິຜົນ ແລະ ເພື່ອເຮັດໃຫ້ສະພາບແວດລ້ອມການດໍາເນີນທຸລະກິດ ມີຄວາມຍຸດຕິທໍາ, ໂປ່ງໃສ, ເປັນເອກະພາບກັນ, ມີຂັ້ນຕອນທີ່ສະດວກ ແລະ ຊັດເຈນຂຶ້ນ.

ກອງປະຊຸມນີ້ ແມ່ນຂັ້ນຕອນໜຶ່ງ ເພື່ອກະກຽມໃຫ້ກັບກອງປະຊຸມທຸລະກິດລາວ ຄັ້ງທີ 13 ເຊິ່ງເປັນກອງປະຊຸມປຶກສາຫາລື ລະຫວ່າງ ພາກລັດ ແລະ ພາກທຸລະກິດ ປະຈໍາປີ, ຄາດວ່າຈະຖືກຈັດຂຶ້້ນໃນທ້າຍປີ 2020 ນີ້.