ໃນວັນທີ 26 ພຶດສະພາ 2022, ທີ່ ໂຮງແຮມລາວພຣາຊາ ໄດ້ມີ ກອງປະຊຸມປຶກສາຫາລືຮ່ວມສອງຝ່າຍ ລະຫວ່າງ ຕາງໜ້າຜູ້ໃຊ້ແຮງງານ ແລະ ຕາງໜ້າຜູ້ອອກແຮງງານ

ເປັນກຽດເຂົ້າຮ່ວມຂອງ ທ່ານ ປອ. ໄຊບັນດິດ ຣາຊະພົນ ຮອງປະທານ ສະພາການຄ້າ ແລະ ອຸດສາຫະກໍາ ແຫ່ງຊາດລາວ, ທ່ານ ວິໄລ ວົງຂະເສີມ ຮອງປະທານສູນກາງສະຫະພັນກໍາມະບານລາວ, Mr. Lee Dong Eung ILO Senior Specialist on Workers’ Activities, ຊ່ຽວຊານອາວຸໂສ ຂອງອົງການແຮງງານສາກົນ, ພ້ອມດ້ວຍທ່ານຄະນະກຳມະທິການຕາງໜ້າຜູ້ໃຊ້ແຮງງານ ແລະ ອຸດສາຫະກຳ, ສຄອຊ, ສະມາຄົມກຸ່ມຫົວໜ່ວຍທຸລະກິດເຂົ້າຮ່ວມ ຈຸດປະສົງແມ່ນ ເພື່ອປຶກສາຫາລືຮ່ວມສອງຝ່າຍ ລະຫວ່າງ ຕາງໜ້າຜູ້ໃຊ້ແຮງງານ ແລະ ຕາງໜ້າຜູ້ອອກແຮງງານ ເພື່ອສ້າງກົນໄກປຶກສາຫາລືສອງຝ່າຍກອງປະຊຸມ ສອງຝ່າຍ ໃນຄັ້ງນີ້ແມ່ນເປັນກອງປະຊຸມທີ່ສໍາຄັນທີ່ຈະໄດ້ສັງລວມເອົາຂໍ້ສະເໜີຂອງ ຜູ້ໃຊ້ແຮງງານ ແລະ ຜູ້ອອກແຮງງານ ເພື່ອນໍາສະເໜີຕໍ່ກອງປະຊຸມສາມຝ່າຍທີ່ຈະຈັດຂຶ້ນໃນວັນທີ 27 ພຶດສະພາ 2022. ເພື່ອມີຂໍ້ສະເໜີ ແລະ ເຫດຜົນ ທີ່ເປັນຜົນປະໂຫຍດໂດຍລວມ ໂດຍຊອບທໍາ ໃຫ້ແກ່ສະມາຊິກຂອງຕົນບົນພື້ນຖານ ສ້າງວຽກເຮັດງານທໍາ ທີ່ເປັນທໍາ ໃນ ສປປ ລາວ.