ພ້ອມດຽວກັນນັ້ນ ໃນພາກບ່າຍຂອງວັນທີ 7 ມັງກອນ 2024 ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ຮ່ວມກັບ ສະມາຄົມນັກທຸລະກິດ ຫວຽດນາມ ຈັດງານ Lunch Networking ລະຫວ່າງນັກທຸລະກິດລາວ ແລະ ຫວຽດນາມ ຈຸດປະສົງເເມ່ນເພື່ອພົບປະໂອ້ລົມແລກປ່ຽນດ້ານການດຳເນີນທຸລະກິດ ແລະ ເພື່ອເປັນການປຶກສາຫາລືຊອກຫາຊ່ອງທາງ ຫລື ກາລະໂອກາດໃນການຮ່ວມທຸລະກິດຮ່ວມກັນໃຫ້ນັບມື້ນັບແຫນ້ນແຟ້ນ ເລິກເຊິ່ງ ແລະມີປະສິດທິຜົນ ໂດຍສະເພາະແມ່ນຂະແຫນງການຄ້າ, ການລົງທຶນ, ໂລຈິສຕິກ, ພະລັງງານ-ບໍ່ແຮ່ ທ່ອງທ່ຽວ, ກະສິກຳ, ການບໍລິການ ແລະ ອື່ນໆ.

ທ່ານ ອຸເດດ ສຸວັນນະວົງ ປະທານ ສຄອຊ ໄດ້ມີຄໍາເຫັນສະເຫນີໃຫ້ທຸລະກິດທັງສອງຝ່າຍຮັກແພງສາມັກຄີຮ່ວມມືກັນໃນຂະແຫນງກັນດັ່ງກ່າວ ພ້ອມກັນພັດທະນາໂດຍຕ່າງຝ່າຍຕ່າງໄດ້ຮັບຜົນປະໂຫຍດປະກອບສ່ວນອັນສຳຄັນໃນການສ້າງເສດຖະກິດສັງຄົມທັງສອງປະເທດໃຫ້ນັບມື້ນັບຂະຫຍາຍຕົວ ເຊິ່ງ ສຄອຊ ຈະຊ່ວຍຊຸກຍູ້ສົ່ງເສີມ ອຳນວຍຄວາມສະດວກໃຫ້ແກ່ຫົວຫນ່ວຍທຸລະກິດຢ່າງເຕັມທີ່ພ້ອມດຽວກັນນັ້ນກໍ່ໄດ້ສະເຫນີລັດຖະບານທັງສອງປະເທດຊ່ວຍສະຫນັບສະຫນູນທາງດ້ານນະໂຍບາຍຕ່າງຕ່າງເພື່ອເອື້ອຍອຳນວຍການດຳເນີນທຸລະກິດໃຫ້ປະກົດຜົນເປັນຈິງແລະມີປະສິດທິຜົນ

ລາຍລະອຽດເພິ່ມເຕີມສາມາດຕິດຕໍ່ ສຄອຊ ໃນໂມງລັດຖະການ

ເບີໂທ: +85621 453312

ອີເມວ: info@lncci.la