ງານວາງສະແດງ ແລະ ເຂົ້າຮ່ວມກິດຈະກຳ ແຂ່ງຂັນສະມາດເບຣນ ຈິນຕະຄະນິດ ຄັ້ງທີ 2, ໃນວັນທີ 17-18 ທັນວາ 2022, ທີ່ສູນການຄ້າພາກຊັນ ຕຶກ B ຊັ້ນ 5, ນະຄອນຫຼວງວຽງຈັນ

ທ່ານ ພູໄຊ ເທບພະວົງ, ເລຂາທິການ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ພະນັກງານ ສູນບໍລິການ ອສຄ, ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ເຂົ້າຮ່ວມງານວາງສະແດງ ແລະ ເຂົ້າຮ່ວມກິດຈະກຳ ແຂ່ງຂັນສະມາດເບຣນ ຈິດຕະຄະນິດ ຊິງແຊມ ຄັ້ງທີ 2, ຈຸດປະສົງຂອງການຈັດງານແມ່ນເພື່ອ ສ້າງເວທີ ສະແດງອອກຕົວຕົນ ດ້ານຄວາມສາມາດ, ຄວາມກ້າຫານ, ກ້າສະແດງອອກ ທັງເປັນການສ້າງຄວາມຕື່ນເຕັ້ນທາງດ້ານຈິດໃຈ ໃນການແຂ່ງຂັນກັບຕົນເອງ, ແຂ່ງຂັນກັບເວລາ ແລະ ແຂ່ງຂັນກັບໝູ່ເພື່ອນຂອງຫຼານນ້ອຍນັກຮຽນ ເຊີ່ງພາຍໃນງານມີນັກຮຽນເຂົ້າຮ່ວມທັງໝົດ 70-90 ຄົນ. ພາຍໃນງານຄັ້ງນີ້ປະກອບດ້ວຍ ຄະນະກຳມະການເຂົ້າຮ່ວມໃນການຕັດສິນ, ຜູ້ປົກຄອງ, ນ້ອງໆອາສາສະໝັກຊ່ວຍວຽກ ແລະ ບຸກຄົນທົ່ວໄປທີ່ເຂົ້າມາຮ່ວມໃນການແຂ່ງຂັນຫຼາຍກວ່າ 300 ຄົນ. ພາຍໃນງານໄດ້ມີການແຂ່ງຂັນຄະນິດຄິດໄວ, ຫຼີ້ນເກມ ແລະ ກິດຈະກຳອື່ນໆ ອີກ ເພື່ອໃຫ້ຫຼານນ້ອຍນັກຮຽນ ໄດ້ສະແດງອອກໃນການແຂ່ງຂັນ.