ສຄອຊ ລົງຢ້ຽມຢາມ ສະມາຊິກ, ໂຮງງານ ອຸດສາຫະກຳ ໂຕໂຢລາວ ຈຳກັດຜູ້ດຽວ

ສຄອຊ ລົງຢ້ຽມຢາມ ສະມາຊິກ, ໂຮງງານ ອຸດສາຫະກຳ ໂຕໂຢລາວ ຈຳກັດຜູ້ດຽວ

ໃນຕອນເຊົ້າ ຂອງວັນທີ 24 ພະຈິກ 2020, ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ນຳໂດຍ ທ່ານ ສຽວສະຫວາດ ສະແຫວງສຶກສາ ປະທານກິດຕິມະສັກ ພ້ອມດ້ວຍຄະນະບໍລິຫານງານ ສຄອຊ ຊຸດທີ VIII ລົງຢ້ຽມຢາມ ໂຮງງານ ອຸດສາຫະກຳ ໂຕໂຢລາວ ຈຳກັດຜູ້ດຽວ, ໂດຍມີຈຸດປະສົງເພື່ອຊຸກຍູ້ສົ່ງເສີມການຜະລິດໃນ ສປປ ລາວ.

ໄດ້ຮັບການຕ້ອນຮັບຢ່າງສົມກຽດໂດຍ ທ່ານ ລັງກອນ ໄຊຍະວົງ ປະທານພ້ອມດ້ວຍ ຄະນະຜູ້ຮ່ວມກໍ່ຕັ້ງ ບໍລິສັດກຸ່ມໄຊຍະວົງ ຈຳກັດຜູ້ດຽວ.

ໂຮງງານອຸດສາຫະກຳ ໂຕໂຢລາວ ຈຳກັດຜູ້ດຽວ, ຊື່ຫຍໍ້ ໂຮງງານທໍ່ໂຕໂຢ ຫຼື TOYO PIPE FACTORY ສ້າງຕັ້ງຂື້ນໃນ ປີ 2016 ໂດຍນໍາໃຊ້ເຕັກໂນໂລຊີທີ່ທັນສະໄໝຈາກ ສະຫະພາບຢູໂຣບ ແລະ ອາເມລິກາ ແລະ ຄຸ້ມຄອງການຜະລິດດ້ວຍທີມງານວິຊາການມືອາຊີບ ປະສົບການຫລາຍກວ່າ 20 ປີ ໄປຄຽງຄູ່ກັບນໍາໃຊ້ ລະບົບ 5s & Kaizen, PDCA ແລະ ການຮັບຖ່າຍທອດເຕັກໂນໂລຊີຈາກຊ່ຽວຊານຕ່າງປະເທດ. ປະຈຸບັນ ໂຮງງານທໍ່ໂຕໂຢໄດ້ກາຍເປັນໂຮງງານທີ່ທັນສະໄໝທີ່ສຸດໃນ ສ.ປ.ປ ລາວ ແລະ ໄດ້ຮັບຄວາມເຊື່ອໝັ້ນຈາກລູກຄ້າ, ຈາກການນໍາພັກລັດ ແລະ ສັງຄົມ.

ໂຮງງານທໍ່ໂຕໂຢເນັ້ນຜະລິດທໍ່ນໍ້າ, ທໍ່ໄຟ, ທໍ່ຫຸ້ມສາຍໂທລະຄົມ, ທໍ່ກະເສດ, ທໍ່ຊົນລະປະທານ ແລະ ອຸປະກອນການປະປາ. ພາຍໃຕ້ເຄື່ອງໝາຍການຄ້າ TOYO ແລະ ASIA GREEN ທີ່ໄດ້ຄຸນນະພາບມາດຕະຖານສາກົນ. ທຸກຜະລິດຕະພັນ ກາTOYO ແລະ ASIA GREEN ໄດ້ຮັບການຍອມຮັບຈາກຕະຫຼາດໃນຂອບເຂດທົ່ວປະເທດລາວ ແລະ ບັນດາປະເທດໃນຂົງເຂດປະເທດອາຊ່ຽນ. ປະຈຸບັນໂຮງງານທໍ່ໂຕໂຢ ໄດ້ຮັບໃບຢັ້ງຢືນມາດຕະຖານ ລະບົບຄຸ້ມຄອງຄຸນນະພາບ ISO 9001:2015; ໃບຢັ້ງຢືນຜະລິດຕະພັນລາວ ຄຸນນະພາບສູງ ຫຼື MADE IN LAOS; ໃບຢັ້ງຢືນມາດຕະຖານລາວ ຫຼື ມ.ລ 71-2009; ໃບຢັ້ງຢືນຫ້ອງທົດລອງຄຸນນະພາບ ແລະ ໃບຢັ້ງຢືນຄຸນນະພາບສິນຄ້າ ສໍາຫລັບທຸກຜະລິດຕະພັນ ຈາກກົມມາດຕະຖານ, ກະຊວງວິທະຍາສາດ ແລະ ເຕັກໂນໂລຊີ.

 ນອນຈາກນັ້ນ ໂຮງງານທໍ່ໂຕໂຢ ຍັງໄດ້ຮັບລາງວັນທຸລະກິດຂາຍຍົກ-ຂາຍຍ່ອຍດີເດັ່ນອາຊຽນ; ລາງວັນທຸລະກິດລິເລີ່ມ ແລະ ຂັບເຄື່ອນນະວັດຕະກຳດີເດັ່ນອາຊຽນ, ລາງວັນນັກທຸລະກິດຍິງດີເດັ່ນອາຊ່ຽນ ແລະ ລາງວັນທຸລະກິດຊັ້ນນຳດີເດັ່ນແຫ່ງຊາດ ໃນປິ 2019 ຈາກສະພາການຄ້າ ແລະ ອຸດສາຫະກຳແຫ່ງຊາດ.

Write a Message

Your email address will not be published.

Related Posts

ກອງປະຊຸມທຸລະກິດລາວປະຈໍາປີ ຄັ້ງທີ 16

ກອງປະຊຸມທຸລະກິດລາວປະຈໍາປີ ຄັ້ງທີ 16

ນະຄອນຫຼວງວຽງຈັນ, 03 ເມສາ 2025. ກອງປະຊຸມທຸລະກິດລາວປະຈໍາປີ ຄັ້ງທີ 16 ໄດ້ຈັດຂຶ້ນທີ່ນະຄອນຫຼວງວຽງຈັນ ເພື່ອທົບທວນຄືນຄວາມຄືບໜ້າຂອງການປຶກສາຫາລືລະຫວ່າງພາກລັດ ແລະ ພາກທຸລະກິດ ໃນປີຜ່ານມາ ທີ່ແນໃສ່ປັບປຸງສະພາບແວດລ້ອມການດຳເນີນທຸລະກິດຢູ່ ສປປ ລາວ.…Read more
ກອງປະຊຸມສົ່ງເສີມການລົງທຶນດ້ານອຸດສາຫະກຳ, ການຄ້າ ແລະ ໂລຈິສຕິກສ໌ ຂອງເມືອງເນີ້ຍຈ່ຽງ ສົ່ງເສີມການລົງທຶນລະຫວ່າງຈີນ-ລາວ ເປີດໂອກາດໃໝ່ທາງເສດຖະກິດ

ກອງປະຊຸມສົ່ງເສີມການລົງທຶນດ້ານອຸດສາຫະກຳ, ການຄ້າ ແລະ ໂລຈິສຕິກສ໌ ຂອງເມືອງເນີ້ຍຈ່ຽງ ສົ່ງເສີມການລົງທຶນລະຫວ່າງຈີນ-ລາວ ເປີດໂອກາດໃໝ່ທາງເສດຖະກິດ

ໃນຕອນບ່າຍວັນທີ 27 ມີນາ 2025 ທີ່ ນະຄອນຄຸນມິງ, ແຂວງຢຸນນານ, ສປ ຈີນ ໄດ້ຈັດກອງປະຊຸມສົ່ງເສີມການລົງທຶນດ້ານອຸດສາຫະກຳ, ການຄ້າ ແລະ ໂລຈິສຕິກສ໌ ຂອງນະຄອນເນີ້ຍຈ່ຽງ.…Read more
ຄວາມຄືບໜ້າຂອງ Work-Based Learning ( WBL ) ໃນປະເທດລາວໂດຍຜ່ານໂຄງການ ASEAN-Swiss TVET Initiative (ASTI)

ຄວາມຄືບໜ້າຂອງ Work-Based Learning ( WBL ) ໃນປະເທດລາວໂດຍຜ່ານໂຄງການ ASEAN-Swiss TVET Initiative (ASTI)

ນະຄອນຫຼວງ ວຽງຈັນ, ວັນທີ 27 ມີນາ 2025 – ຄະນະຮັບຜິດຊອບຈັດຕັ້ງປະຕິບັດໂຄງການຂໍ້ລິເລີ່ມດ້ານອາຊີວະສຶກສາອາຊຽນ-ສະວິດເຊີແລນ (ASTI) ກ່ຽວກັບການຮຽນວິຊາຊີບຢູ່ສະຖານປະກອບການ (WBL) ໄດ້ຈັດກອງປະຊຸມຄັ້ງທີ 1 ປະຈໍາປີ 2025…Read more
ຝຶກອົບຮົມຫົວຂໍ້ “ການດຳເນີນທຸລະກິດທີ່ຮັບຜິດຊອບ ແລະ ຄວາມປອດໄພໃນສະຖານທີ່ເຮັດວຽກ”

ຝຶກອົບຮົມຫົວຂໍ້ “ການດຳເນີນທຸລະກິດທີ່ຮັບຜິດຊອບ ແລະ ຄວາມປອດໄພໃນສະຖານທີ່ເຮັດວຽກ”

ໃນວັນທີ 27-28 ມີນາ 2025 ທີ່ໂຮງແຮມ ທະວີສຸກ, ແຂວງວຽງຈັນ ສະພາການຄ້າ ແລະ ອຸດສາຫະກຳແຫ່ງຊາດລາວ ຮ່ວມກັບ ສະພາການຄ້າ ແລະ ອຸດສາຫະກຳແຂວງວຽງຈັນ ໄດ້ຈັດຝຶກອົບຮົມຫົວຂໍ້…Read more
ງານສົ່ງເສີມຜູ້ປະກອບການແມ່ຍິງຍຸກໃໝ່ ຄັ້ງທີ່ IV

ງານສົ່ງເສີມຜູ້ປະກອບການແມ່ຍິງຍຸກໃໝ່ ຄັ້ງທີ່ IV

ງານສົ່ງເສີມຜູ້ປະກອບການແມ່ຍິງຍຸກໃໝ່ ຄັ້ງທີ່ IV ເພື່ອໃຫ້ຄວາມຮູ້ ແລະ ສົ່ງເສີມຜູ້ປະກອບການຍິງ ຈັດຂື້ນໃນວັນທີ 19-20 ມີນາ 2025, ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ)…Read more

Enter your keyword