ທ່ານ ວິບູນ ສິດທິມໍລະດາ, ທ່ານ ສະເຫຼີມໄຊ ທ່ຽງທຳ, ໃນນາມຕາງໜ້າ ຄະນະບໍລິຫານງານ ຂອງ ສະພາການຄ້າ ແລະ ອຸດສາຫະກຳ ແຫ່ງຊາດລາວ,

ທັງເປັນ ຮອງປະທານ ຄະນະກຳມະທິການຕ່າງໜ້າຜູ້ໃຊ້ແຮງງານ ແລະ ອຸດສາຫະກຳ, ສຄອຊ, ທ່ານ ພູຂົງ ສອນວົງໄຊ, ຫົວໜ້າ ພະແນກ ພັດທະນາຜູ້ປະກອບການ ແລະ ກິດຈະການຕ່າງໜ້າຜູ້ໃຊ້ແຮງງານ, ສຄອຊ, ພ້ອມດ້ວຍ ວິຊາການ ໄດ້ຕ້ອນຮັບທ່ານ ນາງ Shalini Kanwar, ທ່ານ Kilian Murphy ພ້ອມດ້ວຍຜູ້ປະສານງານຂອງໂຄງການ ADPC ປະຈໍາ ສປປ ລາວ, ໃນວັນທີ 16 ພຶດສະພາ 2023, ທີ່ຫ້ອງປະຊຸມ ສູນບໍລິການ ອາຊີວະສຶກສາແບບຄວບຄູ່, ສະພາການຄ້າ ແລະ ອຸດສາຫະກໍາ ແຫ່ງຊາດລາວ (ສຄອຊ)

ຈຸດປະສົງ ຂອງການເຂົ້າພົບປະ ແລະ ຢ້ຽມຢາມ ສຄອຊ ໃນຄັ້ງນີ້ ແມ່ນເພື່ອປຶກສາຫາລື ແລະ ບັນຫາທີ່ສຳຄັນໃນການເປັນຄູ່ຮ່ວມໃນການຮ່ວມມືຈັດຕັ້ງປະຕິບັດ, ທົບທວນແຜນກິດຈະກຳທີ່ຜ່ານມາ ແລະ ແຜນການຈະຈັດຕັ້ງປະຕິບັດໃນໄລຍະຕໍ່ໄປຂອງວຽກງານໄພພິບັດ ແລະ ການສ້າງຄວາມເຂັ້ມແຂງ ໃນແກ່ພາກສ່ວນເອກະຊົນໂດຍສະເພາະແມ່ນພາກທຸລະກິດໃຫ້ມີສ່ວນຮ່ວມໃນວຽກງານໄພພິບັດ ເວົ້າລວມກໍ່ແມ່ນການສ້າງຄວາມເຂັ້ມແຂງໃຫ້ແກ່ອົງການສາມຝ່າຍ (ກົມສັງຄົມສົງເຄາະ, ກະຊວງຮສສ (ໃນນາມພາກລັດຖະບານ), ສະພາການຄ້າ ແລະ ອຸດສາຫະກຳ ແຫ່ງຊາດລາວ (ໃນນາມຕາງໜ້າພາກເອກະຊົນ) ແລະ ຫ້ອງການປະສານງານອົງການຈັດຕັ້ງຂອງສັງຄົມລາວ (ໃນນາມຫ້ອງການຈັດຕັ້ງສັງຄົມລາວ)