ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ແລະ ບໍລິສັດ ອາໂລ ເອກສ໌ ຈຳກັດ ໄດ້ເຊັນສັນຍາຮ່ວມມື ການສ້າງ,ພັດທະນາ,ການຄຸ້ມຄອງບໍລິຫານ ແລະ ບໍາລຸງຮັກສາລະບົບຊື້-ຂາຍ ອອນລາຍຂອງຜະລິດຕະພັນລາວ ( Made in Laos E-Marketplace ) ໃນວັນທີ 15 ທັນວາ 2022 ທີ່ ຫ້ອງປະຊຸມ ສຄອຊ

ໃຫ້ກຽດລົງນາມໂດຍທ່ານ ດາວວອນ ພະຈັນທະວົງ ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ທ່ານ (ຊື່ຕຳແຫນ່ງ) ບໍລິສັດ ອາໂລ ເອກສ໌ ຈຳກັດ, ໂດຍການເປັນສັກຂີພະຍານຂອງ ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ພ້ອມດ້ວຍຄະນະ ແລະ ທ່ານໄຊສົມເພັດ ນໍລະສິງ ຫົວໜ້າກົມສົງເສີມການຄ້າ,ກະຊວງອຸດສາຫະກຳ ແລະ ການຄ້າ
ເຊິງຈຸດປະສົງແມ່ນການຈັດຕັ້ງປະຕິບັດໂຄງການ ວ່າດ້ວຍການສ້າງ, ພັດທະນາ, ຄຸ້ມຄອງບໍລິຫານ ແລະ ບຳລຸງຮັກສາ ລະບົບຊື້ຂາຍ ອອນລາຍ ຂອງຜະລິດຕະພັນລາວ  (Made in Laos e-Marketplace) ຢ່າງມີປະສິດທິພາບ ແລະ ຍືນຍົງ, ເປົ້າໝາຍເພື່ອສ້າງມາດຕະຖານ ແລະ ຊ່ວຍສົ່ງເສີມຜະລິດຕະພັນລາວ ເພື່ອໃຫ້ບັນດາຜູ້ປະກອບການໃນທົ່ວປະເທດໄດ້ຂາຍຜະລິດຕະພັນຂອງຕົນຜ່ານລະບົບອອນລາຍ (Platform e-Marketplace) ໃຫ້ລູກຄ້າທັງພາຍໃນ ແລະ ຕ່າງປະເທດ.