ກອງປະຊຸມ ພົບປະລະຫວ່າງສະພາການຄ້າ ແລະ ອຸດສາຫະກຳແຫ່ງຊາດລາວ ແລະ ສະພາການຄ້າຈີນຢູນນານ ປະຈຳ ສປປ ລາວ, ໃນວັນທີ 26 ພຶດສະພາ 2023, ທີ່ ຫ້ອງການ ສະພາການຄ້າຈີນຢູນນານ ປະຈຳ ສປປ ລາວ (ບ້ານດົງປ່າສັກ).

ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວໃຫ້ກຽດເປັນປະທານໃນກອງປະຊຸມຮ່ວມ ກັບ ທ່ານ ZHENG HONG ປະທານ ສະພາການຄ້າຈີນຢູນນານ ປະຈຳ ສປປ ລາວ ແລະ ພ້ອມດ້ວຍຄະນະທຸລະກິດລາວ-ຈີນ ທີ່ເຂົ້າຮ່ວມ, ເຊິງຈຸດປະສົງໃນກອງປະຊຸມຄັ້ງນີ້ແມ່ນເພື່ອເປັນປຶກສາຫາລືກ່ຽວກັບການຮ່ວມມືແລກປ່ຽນໂຄງການທາງດ້ານທຸລະກິດຂອງລາວ-ຈີນໃຫ້ນັບມື້ນັບຫຼາຍຂຶ້ນ, ເປັນເວທີໃນການເຊື່ອມໂຍງ ແລະ ເປັນຂົວຕໍ່ໃນການຊອກຄູ່ຮ່ວມທຸລະກິດໃນຕໍ່ໜ້າໃນຂະແໜງການທ່ອງທ່ຽວ, ຂົນສົ່ງ, ກະສິກຳ ແລະ ອື່ນໆ.

ຂໍ້ມູນເພີມເຕີມສາມາດຕິດຕາມໄດ້ໃນໄວໆນີ້.