ກອງປະຊຸມສະຫຼຸບການຈັດຕັ້ງປະຕິບັດໂຄງການ Asean SMEໄລຍະທີ I ແລະ ປຶກສາຫາລືການຈັດຕັ້ງປະຕິບັດໂຄງການໄລຍະທີ II, ໃນວັນທີ 9 ພຶດສະພາ 2023, ທີ່ ແຂວງຫຼວງນ້ຳທາ

ທ່ານ ພຸດທະສອນ ພົມວິໄສ ຮອງ ເລຂາທິການ ສະພາການຄ້າ ແລະ ອຸດສາຫະກຳແຫ່ງຊາດລາວ, ຫົວຫນ້າສູນບໍລິການວິສາຫະກິດຂະໜາດນ້ອຍ ແລະ ກາງ (ສູນ SMEs), ກອງປະຊຸມສະຫຼຸບການຈັດຕັ້ງປະຕິບັດໂຄງການ Asean SME ໄລຍະທີ I ແລະ ປຶກສາຫາລືການຈັດຕັ້ງປະຕິບັດໂຄງການໄລຍະທີ II, ໂດຍການເປັນປະທານຂອງ ທ່ານ ສາ ສີລິພົງ ຮອງຫົວໜ້າກົມ ສົ່ງເສີມວິສາຫະກິດຂະໜາດນ້ອຍ ແລະ ກາງ ກະຊວງອຸດສາຫະກຳ ແລະ ການຄ້າ. ພ້ອມທັງໃຫ້ກຽດເຂົ້າຮ່ວມໂດຍ ປະທານ ສຄອ ແຂວງຫຼວງນ້ຳທາ, ສຄອ ແຂວງ ອຸດົມໄຊ ແລະ ສຄອ ແຂວງ ຫຼວງພະບາງ, ກອງປະຊຸມດຳເນີນເປັນເວລາ 1ວັນ ເຊິງຈຸດປະສົງຂອງກອງປະຊຸມແມ່ນເພື່ອເປັນການ ສະຫຼຸບການຈັດຕັ້ງແຜນປະຕິບັດໂຄງການໄລຍະຜ່ານມາເຖິງຜົນສຳເລັດ ແລະ ຍັງມີການກຽມຄວາມພ້ອມໃນການຈັດຕັ້ງແຜນປະຕິບັດໂຄງການໄລຍະທີ II, ພ້ອມດຽວກັນນັ້ນໃນກອງປະຊຸມດັ່ງກ່າວຍັງໄດ້ເຜີຍແຜ່ ເວັບໄຊ asean access ເພື່ອເຮັດໃຫ້ທຸລະກິດ SME ສາມາດນຳສະເໜີຜະລິດຕະພັນ ສິນຄ້າ ແລະ ການບໍລິການຂອງຕົນ ໃຫ້ສາມາດເຂົ້າເຖິງຕະຫຼາດທັງພາຍໃນ ແລະ ຕ່າງປະເທດ.