ກອງປະຊຸມປຶກສາຫາລືຂອງພາກລັດ ແລະ ພາກທຸລະກິດ ປະຈຳໄຕມາດ ຂອງສູນບໍລິການອາຊີວະສຶກສາ ແບບຄວບຄູ່ (DCT SC) ໃນວັນທີ 22 ພະຈິກ 2022, ທີ່ຫ້ອງປະຊຸມ ສະພາການຄ້າ ແລະ ອຸດສາຫະກຳ ແຫ່ງຊາດລາວ

ທ່ານ ປອ. ໄຊບັນດິດ ຣາຊະພົນ ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ(ສຄອຊ) ໄດ້ໃຫ້ກຽດເປັນປະທ່ານ ຮ່ວມກັບ ທ່ານ ໂພໄຊ ບູລົມ ຮອງຫົວໜ້າກົມ ອາຊີວະສຶກສາ, ກະຊວງສຶກສາທິການ ແລະ ກິລາ, ພ້ອມຄະນະຊີ້ນຳສູນບໍລິການ ອສຄ, ກົມອາຊີວະສຶກສາ ແລະ ຫ້ອງການສະພາອາຊີວະສຶກສາ ເຂົ້າຮ່ວມໃນກອງປະຊຸມ ເຊິງຈຸດປະສົງ ຂອງກອງປະຊຸມ ແມ່ນເພື່ອ: ລາຍງານຜົນການຈັດຕັ້ງປະຕິບັດຂອງສູນບໍລິການ ອສຄ ແລະ ນຳສະເໜີ ແຜນການຈັດຕັ້ງປະຕິບັດຕໍ່ໜ້າ, ພ້ອມດຽວກັນນັ້ນຍັງໄດ້ຮ່ວມປຶກສາຫາລື ແລະ ເອກະພາບ ໃນແນວທາງການຈັດຕັ້ງປະຕິບັດ ລະຫວ່າງ ພາກລັດ-ພາກທຸລະກິດ ເພື່ອສ້າງຄວາມເຂັ້ມແຂງໃນການຈັດຕັ້ງປະຕິບັດ ວຽກງານອາຊີວະສຶກສາ ແລະ ຝືກອົບຮົມວິຊາຊີບ.