ທ່ານ ສະເຫຼີມໄຊ ທ່ຽງທຳ, ຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ໄດ້ເຂົ້າຮ່ວມເປັນປະທານຮ່ວມໃນກອງປະຊຸມປະຖົມນິເທດ ກ່ຽວກັບແຜນການກຽມຄວາມພ້ອມຕອບໂຕ້ເຫດສຸກເສີນ ໂຄງການສ້າງຄວາມເຂັ້ມແຂງ ໃຫ້ແກ່ການຮ່ວມມືຂອງບັນດາຜູ້ມີສ່ວນຮ່ວມ ໃນການກຽມພ້ອມ ຮັບມື ແລະ ຕອບໂຕ້ໄພພິບັດ ຢູ່ ສປປ ລາວ, ໃຫ້ກຽດເປັນປະທານຮ່ວມ ຂອງ ທ່ານ ນາງ ດຣ. ຈັນສີ ພິິມມະຈັນ, ຕາງໜ້າຫ້ອງການປະສານງານອົງການຈັດຕັ້ງສັງຄົມລາວ ຈຸດປະສົງຂອງກອງປະຊຸມ ກໍ່ແມ່ນ ແມ່ນເພື່ອ ສ້າງຄວາມເຂົ້າໃຈໃຫ້ແກ່ອົງການຈັດຕັ້ງ ແລະ ພາກເອກະຊົນກ່ຽວກັບການວາງແຜນກຳນົດເວລາທີ່ເກີດຂຶ້ນ, ກຳນົດຂັ້ນຕອນແຜນດຳເນີນງານ ໃນການສ້າງຕັ້ງ ການວາງແຜນສຸກເສີນໃນການຕອບໂຕ້ຮັບມືກັບໄພພິບັດ ຂອງເຄືອຂ່າຍພາກເອກະຊົນ. ນອກນັ້ນ, ກອງປະຊຸມ ຍັງໄດ້ມີການແລກປ່ຽນຄຳຄິດເຫັນຈາກການມີສ່ວນຮ່ວມຂອງພາກເອກະຊົນ ແລະ ຈາກອົງການຈັດຕັ້ງທາງສັງຄົມລາວ