ຈຸດປະສົງຂອງການເຊັ່ນບົດບັນທຶກຄວາມເຂົ້າໃຈໃນຄັ້ງນີ້ ສ້າງຂື້ນເພື່ອເປັນບ່ອນອີ່ງ ແລະ ການຢັ້ງຢືນການເປັນຄູ່ຮ່ວມງານ ລະຫວ່າງ ກົມສົ່ງ ເສີມຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ, ກະຊວງອຸດສາຫະກໍາ ແລະ ການຄ້າ ແລະ ສະພາການຄ້າ ແລະ ອູດສາຫະກໍາແຫ່ງຊາດລາວ ເພື່ອຮ່ວມມືກັນຈັດຕັ້ງປະຕິບັດ ໂຄງການ “ລາວຍືນຍາວ – ສົ່ງເສີມຜູ້ປະກອບການໄວໜຸ່ມ ແລະ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ໃນຕ່ອງໂສ້ອຸດສາຫະກໍາທ່ອງທ່ຽວລາວ ເພື່ອຈັດຕັ້ງປະຕິບັດ ແລະ ສົ່ງເສີມການອຸປະໂພກບໍລິໂພກ ແລະ ການຜະລິດແບບຍືນຍົງ, ເສດຖະກິດໝູນວຽນ ແລະ ການສ້າງວຽກເຮັດງານທຳທີ່ມີຄຸນຄ່າ”(Lasting Laos) ເພື່ອອໍານວຍຄວາມສະດວກໃນການຈັດຕັ້ງປະຕິບັດ, ການໃຫ້ການສະຫນັບສະໜູນດ້ານຂໍ້ມູນນະໂຍບາຍ ແລະ ການສ້າງຂີດຄວາມສາມາດໃຫ້ແກ່ຫົວໜ່ວວຍທຸລະກິດຂະໜາດນ້ອຍ ແລະ ກາງ ໂດຍຜ່ານບັນດາກິດຈະກໍາຕ່າງໆທີ່ກ່ຽວຂ້ອງທີ່ໄດ້ກໍານົດໃນໂຄງການ ເພື່ອໃຫ້ສາມາດຮັບປະກັນປະ ສິດທິພາບຂອງການຈັດຕັ້ງປະຕິບັດວຽກງານຂອງໂຄງການໃນຕົວຈິງ ເພື່ອໃຫ້ໄດ້ຮັບຜົນສໍາເລັດຢ່າງມີປະສິດທິຜົນສູງສຸດ ແລະ ບັນລຸຕາມການດໍາເນີນແຜນງານຂອງໂຄງການໃນອານາຄົດ. ເຊິ່ງການຮ່ວມມືໃນຄັ້ງນີ້ກໍ່ແມ່ນຄັ້ງທີ່ສອງ ຕໍ່ຈາກໂຄງການ SUSTOUR ທີ່ສອງພາກສ່ວນໄດ້ຮ່ວມກັນຈັດຕັ້ງປະຕິບັດຈົນປະສົບຜົນສໍາເລັດໃນ ປີ 2024 ທີ່ຜ່ານມາ ຈົນສາມາດນໍາມາສືບຕໍ່ຈັດຕັ້ງປະຕິບັດເຂົ້າໃນໂຄງການ ລາວຍືນຍາວ (Lasting Laos).