ໃນວັນທີ 05 ກັນຍາ 2024 ທີ່ ນະຄອນຫຼວງວຽງຈັນ, ໄດ້ມີພິທີເຊັນບົດບັນທຶກຄວາມເຂົ້າໃຈ ລະຫວ່າງ ສະພາການຄ້າ ແລະ ອຸດສາຫະກຳ ແຫ່ຊາດລາວ (ສຄອຊ), ບໍລິສັດ ຂໍ້ມູນຂ່າວສານສິນເຊື່ອ  ແຫ່ງ ສປປ ລາວ (ຂສລ) ທະນາຄານແຫ່ງ ສປປ ລາວ ແລະ ບໍລິສັດ China-ASEAN Information Harbor Co., Ltd

ວ່າດ້ວຍການແລກປ່ຽນບົດຮຽນກ່ຽວກັບວຽກງານຂໍ້ມູນຂ່າວສານສິນເຊື່ອ ໂດຍເປັນກຽດເຂົ້າຮ່ວມຂອງທ່ານ ທະນູສອນ ພົນອາມາດ ຮອງປະທານ ສະພາການຄ້າ ແລະ ອຸດສາຫະກຳ ແຫ່ຊາດລາວ, ທ່ານ ຈິນດາໄມ ວິໄລຫົງ ຜູ້ອຳນວຍການ ບໍລິສັດ ຂໍ້ມູນຂ່າວສານສິນເຊື່ອ  ແຫ່ງ ສປປ ລາວ ແລະ ທ່ານ Xiaoyu Huang ຜູ້ອຳນວຍການ ບໍລິສັດ China-ASEAN Information Harbor Co., Ltd. ສປ ຈີນ ແລະ ມີບັນດາຄະນະທີ່ກ່ຽວຂ້ອງຂອງທັງສາມພາກສ່ວນເຂົົ້າຮ່ວມ.

ເຊິງຈຸດປະສົງຕົ້ນຕໍແມ່ນເພື່ອເພິ່ມທະວີການຮ່ວມມືໃນການຈັດກິດຈະກຳ ແລະ ການເຝີກອົບຮົມຕ່າງໆ ທາງດ້ານການຈັດຕັ້ງ ແລະ ວິທີການຄຸ້ມຄອງວຽກງານຂໍ້ມູນຂ່າວສານເຕັກໂນໂລຊີ ແລະ ການຮ່ວມມືຕ່າງໆ ທີ່ກ່ຽວຂ້ອງໂດຍແນ່ໃສ່ ສ້າງຄວາມເຊື່ອຖືໃຫ້ແກ່ຫົວຫນ່ວຍທຸລະກິດ ໃຫ້ສາມາດເຂົ້າຫາແຫລ່ງທຶນໄດ້ຕາມລະບຽບຫລັກການຂອງທະນາຄານ ແລະສະຖາບັນການເງິນ. ພ້ອມດຽວກັນນັ້ນ ຈະຊ່ວຍສະໜັບສະໜູນດຶງດູດນັກລົງທຶນທີ່ມີທ່າແຮງຈາກ ຕ່າງປະເທດໄດ້ຮັບຂໍ້ມູນຂ່າວສານທີ່ຖືກຕ້ອງ, ຊັດເຈນ, ເພື່ອຕັດສິນໃຈ ເຂົ້າມາດຳເນິນທຸລະກິດ ແລະ ຮ່ວມມືກັບທຸລະກິດລາວໃຫ້ນັບມື້ນັບຫຼາຍຂື້ນ, ແລະ ມີປະສິດທິຜົນ,ໂດຍຕ່າງຝ່າຍຕ່າງໄດ້ຮັບຜົນປະໂຫຍດ ແລະ ປະກອບສ່ວນຢ່າງໃຫຍ່ຫຼວງໃນການພັດທະນາເສດຖະກິດຂອງປະເທດ ໃຫ້ມີການຂະຫຍາຍຕົວຢ່າງບໍ່ຢູດຢັ້ງ.

ລາຍລະອຽດສາມາດປະສານ: ສຄອຊ