ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ, ພ້ອມດ້ວຍຄະນະ, ຕ້ອນຮັບ ຄະນະຈາກ ບໍລິສັດທາງລົດໄຟລາວ-ຈີນ ຈຳກັດ

ນຳໂດຍ ທ່ານ ກົ່ງຊຽນມ້ຽນ (Gong Xianmian) ຮອງອຳນວຍການ ບໍລິສັດ, ໃນວັນທີ 15 ພຶດສະພາ 2023, ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວໂດຍມີຈຸດປະສົງຕົ້ນຕໍແມ່ນປຶກສາຫາລືກ່ຽວກັບການສົ່ງເສີມການຮ່ວມມືລະຫວ່າງທຸລະກິດລາວ ແລະ ບໍລິສັດທາງລົດໄຟລາວ-ຈີນ ໂດຍສະເພາະແມ່ນການຮ່ວມມືໂຄສະນາ, ຈຳໜ່າຍສິນຄ້າໃນແຕ່ລະສະຖານີ, ການຮ່ວມມືການບໍລິການຂົນສົ່ງ ແລະ ສາງສິນຄ້າ, ການຮ່ວມມືທ່ອງທ່ຽວ, ວັດທະນະທຳ ແລະ ການຮ່ວວມືການພັດທະນາໂຄງການຕາມເສັ້ນທາງລົດໄຟລາວ-ຈີນ. ພ້ອມດຽວກັນນັ້ນໄດ້ມີການປຶກສາຫາລືການເຂົ້າຮ່ວມກອງປະຊຸມການຮ່ວມມືສະບຽງເສດຖະກິດລາວ-ຈີນທີ່ນະຄອນລວງວຽງຈັນໃນຕົ້ນເດືອນ ສິງຫາ ປີ 2023 ເຊິ່ງແມ່ນການຮ່ວມຈັດລະຫວ່າງ ກະຊວງແຜນການ ແລະ ການລົງທຶນ ສປປ ລາວ ແລະ ຄະນະປະຕິຮູບເສດຖະກິດ ສປ ຈີນ ໂດຍເນັ້ນໜັກຂະແໜງການຂົນສົ່ງ, ບໍ່ແຮ່, ກະສິກຳ, ວັດທະນະທຳ ແລະ ພະລັງງານໃໝ່.

ໃນກອງປະຊຸມໄດ້ຕົກລົງເຫັນດີຈະຈັດກອງປະຊຸມສະເພາະລະຫວ່າງທຸລະກິດລາວແລະບໍລິສັດທາງລົດໄຟລາວ-ຈີນ ຈໍາກັດ ເພື່ອປຶກສາຫາລືການຮ່ວມມືກ່ຽວກັບການຂົນສົ່ງສິນຄ້າທາງລົດໄຟ ໃນທ້າຍເດືອນພຶດສະພາ 2023 , ກອງປະຊຸມ ການຮ່ວມມືເຂດການຄ້າໃນສະຖານີລົດໄຟ ແລະກອງປະຊຸມພັກທະນາກະສິກຳຕາມແລວທາງລົດໄຟລາວ-ຈີນ