ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ໄດ້ສຳເລັດ ການລົງເຜີຍແຜ່ ໂຄສະນາການເຄື່ອນຍ້າຍແຮງງານທີ່ປອດໄພ ເພື່ອວຽກທີ່ມີຄຸນຄ່າ ແລະ ເປັນທຳ ໃຫ້ແກ່ປະຊາຊົນ

04ບ້ານ ແລະ 02 ໂຮງງານ ທີ່ ເມື່ອງໄຊທານີ, ເມືອງປາກງື່ມ ແລະ ເມືອງຫາດຊາຍຟອງ ແລະ ຈະຍັງສຶບຕໍ່ເຜີຍແຜ່ຢ່າງຕໍ່ເນື່ອງ

ເຊີ່ງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ຮ່ວມກັບ ກົມປົກປ້ອງແຮງງານ, ສູນກາງສະຫະພັນກຳມະບານລາວ ໄດ້ລົງ ເຜີຍແຜ່ໂຄສະນາການເຄື່ອນຍ້າຍແຮງງານທີ່ປອດໄພ ເພື່ອວຽກທີ່ມີຄຸນຄ່າ ແລະ ເປັນທຳ ຢູ່ທີ ບ້ານທ່າສົ້ມມໍ ເມືອງໄຊທານີ, ບ້ານນາກຸງ, ບ້ານ ທຸນລົມ, ບ້ານໂດນ ເມືອງປາກງື່ມ ແລະ ໂຮງງານ ຕຸກກະຕາລ້ານຊ້າງ, ໂຮງງານ ຕັບຍິບໄຕລອນລາວ ໂດຍມີຜູ້ຕາງຫນ້າຈາກສູນກາງສະຫະພັນກຳມະບານລາວ, ສະຫະພັນກຳມະບານ, ກະຊວງແຮງງານ ແລະ ສະຫວັດດີການສັງຄົມ, ເມືອງແຕ່ລະເມືອງ ແລະ ພໍ່ແມ່ປະຊາຊົນພາຍໃນບ້ານເຂົ້າຮ່ວມ.

ເຊີ່ງຈຸດປະສົງໃນການລົງເຜີຍແຜ່ໃນຄັ້ງນີ້ແມ່ນ ເພື່ອເຜີຍແຜ່ເຖິງການເຄື່ອນຍ້າຍແຮງງານທີ່ປອດໄພ ລວມທັງ ເຜີຍແຜ່ກ່ຽວກັບການເຄື່ອນໄຫວ, ພາລະບົດບາດ ແລະ ວຽກງານທີ່ກ່ຽວຂ້ອງ ຂອງສະພາການຄ້າ ແລະ ອຸດສາຫະກຳແຫ່ງຊາດລາວ ໃນນາມອົງການຕາງໜ້າຜູ້ໃຊ້ແຮງງານ ແລະ ເພື່ອເປັນການສ້າງຄວາມເຂົ້າໃຈໃຫ້ພໍ່ແມ່ນປະຊາຊົນ, ກຳມະກອນ ແລະ ໄວໜຸ່ມທີ່ຫວ່າງງານ ກ່ຽວກັບແຮງງານເຄື່ອນຍ້າຍແບບປອດໄພ