ທ່ານ ພູໄຊ ເທບພະວົງ, ເລຂາທິການ ສຄອຊ ໄດ້ຍົກໃຫ້ເຫັນເຖິງບົດບາດສຳຄັນຂອງພາກທຸລະກິດ ໃນການຍົກລະດັບມາດຕະຖານສີມືແຮງງານແຫ່ງຊາດ ເພື່ອຕອບສະໜອງຄວາມຕ້ອງການຂອງຕະຫຼາດແຮງງານ.

ທ່ານ ວົງນຳ ວົງວິໄລ, ປະທານ ສະມາຄົມປ້າຍລາວ ໄດ້ສະແດງຄວາມສະໜັບສະໜູນຢ່າງແຮງກ້າ ແລະ ພ້ອມທີ່ຈະເຊັນຂໍ້ຕົກລົງຮ່ວມມືກ່ຽວກັບ WBL ແລະ ສ້າງຕັ້ງສູນຝຶກອົບຮົມໃນເວລາທີ່ເໝາະສົມ.

ກອງປະຊຸມຍັງໄດ້ທົບທວນຮ່າງຂໍ້ຕົກລົງຮ່ວມມື, ໂດຍທັງສອງຝ່າຍມີຄວາມມຸ່ງຫວັງຕັ້ງໃຈທີ່ຈະຮ່ວມມືກັນຢ່າງເປັນທາງການໃນໄວໆນີ້. ການຮ່ວມມືຄັ້ງນີ້ ແນໃສ່ສ້າງຄວາມເຂັ້ມແຂງດ້ານອາຊີວະສຶກສາ ແລະ ຝຶກອົບຮົມວິຊາຊີບ ເພື່ອຍົກລະດັບສີມືແຮງງານລາວໃຫ້ມີທັກສະທາງດ້ານອຸດສາຫະກຳ, ປະກອບສ່ວນເຂົ້າໃນການພັດທະນາກຳລັງແຮງງານແຫ່ງຊາດ ແລະ ການເຕີບໃຫຍ່ຂະຫຍາຍຕົວທາງດ້ານເສດຖະກິດ.