ໃນວັນທີ 30 ມີຖຸນ 2022 ທີ່ ຫ້ອງປະຊຸມ ສະພາການຄ້າ ແລະ ອຸດສາຫະກໍາ ແຫ່ງຊາດລາວ, ນະຄອນຫຼວງວຽງຈັນ. ກົມສົ່ງເສີມການຄ້າ, ກະຊວງອຸດສາຫະກໍາ ແລະ ການຄ້າ ຮ່ວມກັບ ສະພາການຄ້າ ແລະ ອຸດສາຫະກໍາ ແຫ່ງຊາດລາວ (ສຄອຊ), ອົງການແພລນສາກົນ ປະຈໍາ ສປປ ລາວ ແລະ ສູນສະຫະພາບເອີຣົບ ດ້ານການທ່ອງທ່ຽວນິເວດ ແລະ ກະສິກໍາ

ໄດ້ຈັດ ກອງປະຊຸມສໍາມະນາຫົວຂໍ້: “ການເຜີຍແຜ່ຂໍ້ມູນຂ່າວສານທາງດ້ານການເງິນສໍາລັບ MSMEs ໃນຕ່ອງໂສ້ອຸດສາຫະກໍາການທ່ອງທ່ຽວລາວ” ໂດຍການເປັນປະທານ ຂອງ ທ່ານ ໄຊສົມເພັດ ນໍລະສິງ ຫົວຫນ້າກົມສົ່ງເສີມການຄ້າ, ກະຊວງ ອຸດສາຫະກໍາ ແລະ ການຄ້າ, ແລະ ທ່ານ ນາງ ທິບພາພອນ ເພັດມະນີ  ຄະນະບໍລິຫານງານ ສຄອຊ. ໂດຍຈຸດປະສົງຂອງກອງປະຊຸມສໍາມະນາໃນຄັ້ງນີ້ ແມ່ນເພື່ອເປັນການນໍາສະເຫນີພາບລວມຂອງການສຶກສາການເຂົ້າເຖິງຂໍ້ມູນຂ່າວສານທາງດ້ານການເງິນສໍາລັບ MSMEs, ຜົນການສຶກສາ ແລະ ຄູ່ມືແນະນໍາການ ເຂົ້າຫາແຫຼ່ງທຶນ ລວມໄປເຖີງການຮັບຟັງກ່ຽວກັບຮູບແບບ, ຂະບວນການດໍາເນີນເອກະສານ, ວີທີການ ແລະ ເງື່ອນໄຂຕ່າງໆ ໃນການເຂົ້າຫາທຶນສົມທົບ ເເລະ ກອງທຶນຈາກບັນດາອົງການຈັດທີ່ໄດ້ໃຫ້ການສົ່ງເສີມທຸລະກິດໃນການເຂົ້າຫາແຫລ່ງທຶນ, ບັນດາທະນາຄານ ແລະ ສະຖາບັນການເງິນຕ່າງໆ ແລະ ພ້ອມກັນນັ້ນກໍ່ຍັງມີໄດ້ມີການຮ່ວມສົນທະນາແລກປ່ຽນການປະກອບຄໍາຄິດເຫັນຈາກຜູ້ທີ່ມີສ່ວນຮ່ວມໃນຂະແຫນງການເງິນຕ່າງໆ ແລະ ຜູ້ປະກອບການ ໃນຕ່ອງໂສ້ອຸດສາຫະກໍາການທ່ອງທ່ຽວລາວ.