ເວທີສົນທະນາການພັດທະນາເສດຖະກິດປະຊາຄົມໂລກ ຄັ້ງທີ 09 ພາຍໃຕ້ “ກອງປະຊຸມພົບປະດ້ານການຄ້າ ລາວ-ຈີນ” ໃນວັນທີ 17 ພືດສະພາ 2023, ເວລາ 9:30-11:30 ໂມງ, ທີ່ ໂຮງແຮມ ແລນມາກ.

ທ່ານ ສັງຄົມ ຈັນສຸກ, ຮອງປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ຕາງໜ້າເຂົ້າຮ່ວມ ເວທີສົນທະນາການພັດທະນາເສດຖະກິດປະຊາຄົມໂລກ ຄັ້ງທີ 09 ພາຍໃຕ້ “ກອງປະຊຸມພົບປະດ້ານການຄ້າ ລາວ-ຈີນ” ໃນຫົວຂໍ້ “ໜຶ່ງແລວ, ໜຶ່ງເສັ້ນທາງ”. ໂດຍການເປັນປະທານຮ່ວມລະຫວ່າງ ທ່ານ ຄໍາເຈນ ວົງໂພສີ, ລັດຖະມົນຕີກະຊວງ ແຜນການ ແລະ ການລົງທຶນ ແລະ ທ່ານ Gui Hanfeng, Chairman of the Global Economic Development Forum.

ເຊິງຈຸດປະສົງຂອງກອງປະຊຸມໃນຄັ້ງນີ້ແມ່ນ ເພື່ອສົ່ງເສີມການແລກປ່ຽນວັດທະນະທຳ ແລະ ການຮ່ວມມືດ້ານການຄ້າ ລະຫວ່າງ ຈີນ ແລະ ລາວ, ເພີ່ມທະວີການໄປມາຫາສູ່ກັນ, ຊຸກຍູ້ສາຍພົວພັນສອງປະເທດນັບມື້ພັດທະນາໄປເລື້ອຍໆ.