ສະພາການຄ້າ ແລະ ອຸດສາຫະກຳແຫ່ງຊາດລາວ ໃນນາມປະທານສະພາທີ່ປຶກສາທຸລະກິດອາຊຽນ 2024 ໄດ້ກຽມຄວາມພ້ອມເປັນເຈົ້າພາບຈັດກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024, ເຊິ່ງໃນປີນີ້ແມ່ນຮອບມຸນວຽນການເປັນ ປະທານອາຊຽນ ຂອງ ພາກລັດຖະບານ, ພ້ອມດຽວກັນນີ້ພາກທຸລະກິດເຮົາກໍຖືກຮອບມຸນວຽນການເປັນເຈົ້າພາບຈັດກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024 (ASEAN Business and Investment Summit 2024)

ກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024 ດັ່ງກ່າວນີ້ ແມ່ນຈະໄດ້ຈັດຂື້ນຢ່າງເປັນທາງການໃນລະຫວ່າງວັນທີ 8-11 ຕຸລາ 2024, ທີ່ ໂຮງແຮມເເລນມາກ, ນະຄອນຫຼວງວຽງຈັນ ຄຽງຄູ່ກັບການເປັນປະເທດເຈົ້າພາບໃນການຈັດກອງປະຊຸມສຸດຍອດອາຊຽນຂອງພາກລັດຖະບານ. ກອງປະຊຸມທຸລະກິດ ແລະ ການລົງທຶນອາຊຽນໃນປີນີ້ແມ່ນສຸມໃສ່ ປຶກສາຫາລື ໃນ 6 ຂະແຫນງ ບູລິມະສິດຄື:

• ການຫັນເປັນດິຈິຕອລ

• ການພັດທະນາເເບບຍືນຍົງ

• ການຟື້ນຟູດ້ານຂະແຫນງການສາທາລະນະສຸກ

• ການຄ້ຳປະກັນສະບຽງອາຫານ

• ການເອື້ອອຳນວຍຄວາມສະດວກດ້ານການຄ້າ-ການລົງທຶນ

• ການເຊື່ອມໂຍງເຊື່ອຈອດ ແລະ ຕ່ອງໂຊການສະຫນອງຕ່າງໆ

ນອກຈາກນີ້, ຍັງຈະມີ 04 ກອງປະຊຸມປິ່ນແລະ ງານມອບລາງວັນທຸລະກິດອາຊຽນດີເດັ່ນ 2024 ເຊັ່ນ: ກອງປະຊຸມນັກທຸລະກິດໜຸ່ມອາຊຽນ, ກອງປະຊຸມແມ່ຍິງຜູ້ປະກອບການອາຊຽນ, ກອງປະຊຸມການລົງທຶນອາຊຽນ ແລະ ກອງປະຊຸມນາໆຊາດດ້ານການຂົນສົ່ງ.

ກອງປະຊຸມດັ່ງກ່າວນີ້ໃຫ້ກ່ຽວເຂົ້າຮ່ວມ ໂດຍການນໍາຂັ້ນສູງຂອງທັງພາກລັດ ແລະ ພາກທຸລະກິດ ຂອງ ສປປ ລາວ, ຂອງອາຊຽນ ແລະ ຂອງພາກພື້ນຕ່າງໆ ເປັນຕົ້ນແມ່ນການເຂົ້າຮ່ວມຂອງ:

• ພະນະທ່ານນາຍົກລັດຖະມົນຕີ ຂອງ ສປປ ລາວ

• ທ່ານເລຂາທິການໃຫຍ່ອາຊຽນ

• ທ່ານລັດຖະມົນຕີກະຊວງການຕ່າງປະເທດອາຊຽນກໍຄື ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຂອງລາວເຮົາ

• ທ່ານ ປະທານ World Eclonomic Forum

• ທ່ານ ປະທານ FIFA

• ທ່ານລັດຖະມົນຕີເສດຖະກິດອາຊຽນ, ທ່ານລັດຖະມົນຕີກະຊວງອຸດສາຫະກຳ ແລະ ການຄ້າຂອງລາວເຮົາ

• ແລະ ມີການນໍາຂອງພາກທຸລະກິດ ຈາກ ອາຊຽນ, ອາຊຽນ ບວກ ຄູ່ເຈລະຈາ, ເປັນຕົ້ນແມ່ນ, ສປ ຈິນ, ອິນເດຍ, ຢີປຸ່ນ, ອົດສະເຕເລຍ, ອັງກິດ, ອີຢູ,ອາເມລິການ ແລະ ອື່ນໆ.

ພ້ອມດຽວກັນນີ້ ກໍ່ຍັງໄດ້ເຊື້ອເຊີນເອົາຜູ້ນໍາຂອງໂລກ, ອົງການຈັດຕັ້ງສາກົນຕ່າງໆ ແລະ ຜູ້ບໍລິຫານລະດັບສູງຈາກບໍລິສັດຫຼາກຫຼາຍປະເທດ ແລະ ພາກພື້ນມາຮ່ວມພາຍໃນງານ ແລະ ຈະໄດ້ກ່າວປະກອບຄຳເຫັນໃນວາລະສຳຄັນຕ່າງໆບໍ່ວ່າຈະເປັນການຮ່ວມມືລະຫວ່າງປະເທດ, ການຊຸກຍູ້ສົ່ງເສີມພາກທຸລະກິດດ້ານການຄ້າ, ການລົງທຶນ ແລະ ກອບການຮ່ວມມືລະຫວ່າງອາຊຽນ ແລະ ປະເທດໃນໂລກເຊິ່ງໄດ້ຮັບການຢືນຢັນເຂົ້າຮ່ວມຂອງການນຳທີ່ຈະເຂົ້າງານຂອງພວກເຮົາເຊັ່ນ:

• ພະນະທ່ານນາຍົກລັດຖະມົນຕີແຫ່ງ ສປປ ລາວ

• ພະນະທ່ານນຍົກລັດຖະມົນຕີ ສສ. ຫວຽດນາມ

• ພະນະທ່ານນາຍົກລັດຖະມົນຕີ ນີວຊີເເລນ

• ພະນະທ່ານນາຍົກລັດຖະມົນຕີ ສິງກະໂປ

• ຮອງນາຍົກລັດຖະມົນຕີສະຫະພັນລັດເຊຍ

• ແລະ ຍັງຈະມີຜູ້ນຳຈາກປະເທດຕ່າງໆ ທີ່ກຳລັງຕິດຕາມຢືນຢັນການເຂົ້າຮ່ວມເພີ້ມຕື່ມ.

ນອກຈາກຄະນະການນຳຈາກພາກລັດທີ່ເຂົ້າຮ່ວມພາຍໃນງານເເລ້ວຍັງມີຜູ້ບໍລິຫານລະດັບສູງຈາກພາກລທຸລະກິດ, ອົງການຈັດຕັ້ງສາກົນ, ອົງກອນຕ່າງໆທັງໃນພາກພື້ນ ແລະ ໃນໂລກເຂົ້າຮ່ວມເປັນຜູ້ບັນຍາຍໃນເເຕ່ລະຫົວຕ່າງໆ, ເຊິ່ງເຂົ້າເຊັ່ນ:

• ປະທານອົງການສະພາເສດຖະກິດໂລກ (World Economic Forum)

• ຜູ້ຈັດການໃຫຍ່ປະຈໍາພາກພຶ້ນອາຊີຕາເວັນອອກສຽງໃຕ້ ບໍລິສັດ ຕິກຕ໋ອກ

• ປະທານ ແລະ ຄະນະ ຂອງສະພາການຄ້າຂອງອາຊຽນ, ສະພາການຄ້າປະເທດຄູ່ເຈລະຈາອາຊຽນ ແລະ ປະເທດຕ່າງໆໃນໂລກ

• ນອກຈາກນັ້ນກໍ່ຍັງມີຕາງຫນ້າຈາກອົງການຈັດຕັ້ງສາກົນ

• ແລະ ບັນດານັກທຸລະກິດຊັ້ນນໍາຈາກບັນດາປະເທດຕ່າງໆໃນອາຊຽນ ແລະ ພາກພື້ນເຂົ້າຮ່ວມຫຼາຍກວ່າ-500 ຄົນ

ຜູ້ທີ່ສົນໃຈເຂົ້າຮ່ວມກອງປະຊຸມ ສາມາດລົງທະບຽນຜ່ານເວັບໄຊ https://aseanbaclaos.la/payment ຫຼື ຕິດຕໍ່ກອງເລຂາທີ່ເບີ 02052562729, 02094443513, 02059535392, 02059557878 ຫຼື ອີເມລ abis.info@aseanbaclaos.la

ການຈັດກອງປະຊຸມຄັ້ງນີ້ ຖືເປັນໂອກາດອັນດີສຳລັບ ສປປ ລາວ ໃນການສົ່ງເສີມການຄ້າ, ການລົງທຶນ ແລະ ການເຊື່ອມໂຍງກັບພາກພື້ນ ແລະ ສາກົນ.