ກອງປະຊຸມໃຫຍ່ຄົບຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຂວງອັດຕະປື ຄັ້ງທີ III ໄດ້ໄຂຂື້ນ ໃນວັນທີ 25 ຕຸລາ 2024 ທີ່ ຫໍປະຊຸມໃຫຍ່ແຂວງ.

ເຊິ່ງໃຫ້ກຽດເປັນປະທານຮ່ວມໂດຍ ທ່ານ ທະນູໄຊ ບັນຊາລິດ ຮອງເຈົ້າແຂວງ ແຂວງອັດຕະປື, ທ່ານ ສັນຕິໄຊ ສີລືໄຊ ຫົວຫນ້າຫົວໜ້າພະແນກ ອຸດສາຫະກໍາ ແລະ ການຄ້າແຂວງອັດຕະປື,​ ທ່ານ ບຸນກອງ ໄຊຍະແສງ ປະທານສະພາການຄ້າ ແລະ ອຸດສາຫະກຳ ແຂວງອັດຕະປື, ທ່ານ ພູໄຊ ເທບພະວົງ ເລຂາທິການ ສະພາການຄ້າ ແລະ ອຸດສາຫະກຳ ແຫ່ງຊາດລາວ ​ພ້ອມດຽວກັນນັ້ນ ກໍ່ມີບັນດາຜູ້ເຂົ້າຮ່ວມ ທ່ານປະທານສະພາປະຊາຊົນແຂວງອັດຕະປື, ບັນດາການນຳເມືອງ, ຕາງໜ້າຈາກ ສະພາການຄ້າ ແລະ ອຸດສາຫະກຳ ແຂວງ ອ້ອມຂ້າງ, ພະແນກການອ້ອມຂ້າງ ຄະນະບໍລິຫານງານ, ຄະນະທີ່ປຶກສາ, ສະມາຄົມອ້ອມຂ້າງ, ຕ່າງໜ້າພາກລັດ ແລະ ຕາງໜ້າຈາກຫົວໜ່ວຍທຸລະກິດພາຍໃນແຂວງອັດຕະປື.

ກອງປະຊຸມໃຫຍ່ໃນຄັ້ງນີ້ແມ່ນກອງປະຊຸມທີ່ມີຄວາມໝາຍຄວາມສໍາຄັນຢ່າງໃຫຍ່ຫຼວງຕໍ່ ການຈັດຕັ້ງ, ການເຄື່ອນໄຫວ ແລະ ການພັດທະນາ ສະພາການຄ້າ ແລະ ອຸດສາຫະກໍາ ແຂວງອັດຕະປື ໃຫ້ມີການເຕີບໃຫ່ຍຂະຫຍາຍຕົວ ເຊິ່ງສາມາດບັນລຸຜົນສຳເລັດຕາມຈຸດປະສົງ ແລະ ລະດັບຄາດໝາຍ, ມີຄວາມເປັນເອກະພາບ, ມີຄວາມໂປ່ງໃສ, ຍຸດຕິທຳ ແລະ ມີເນື້ອໃນຄົບຖ້ວນ, ເປັນກໍາລັງແຮງທີ່ສໍາຄັນ ແລະ ເປັນແກ່ນສານນໍາພາພາກທຸລະກິດ ສ້າງບາດກ້າວບຸກທະລຸໃນການພັດທະນາເສດຖະກິດໃຫ້ດີຂື້ນ. ຊອກຫາແນວທາງສືບຕໍ່ ພັດທະນາເສດຖະກິດ-ສັງຄົມ ຂອງແຂວງ ໃຫ້ຂະຫຍາຍຕົວຕາມທິດທາງ ແລະ ເປົ້າຫມາຍທີ່ວາງໄວ້.

ທ່ານ ບຸນກອງ ໄຊຍະແສງ ປະທານສະພາການຄ້າ ແລະ ອຸດສາຫະກຳ ແຂວງອັດຕະປື ກໍ່ໄດ້ ກ່າວເປີດກອງປະຊຸມ ແລະ ຜ່ານຂໍ້ຕົກລົງຂອງທ່ານເຈົ້າແຂວງ ສະບັບເລກທີ 1275/ຈຂອປ, ລົງວັນທີ 24 ກັນຍາ 2024 ວ່າດ້ວຍການອະນຸຍາດໃຫ້ເປີດກອງປະຊຸມໃຫຍ່ຄົບຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຂວງອັດຕະປື ຄັ້ງທີ III.

ທ່ານ ສຸລິສັກ ເດດພະຈັນ ຮອງປະທານສະພາການຄ້າ ແລະ ອຸດສາຫະກຳ ແຂວງອັດຕະປື ໄດ້ຂຶ້ນລາຍງານສະພາບລວມການຈັດຕັ້ງປະຕິບັດວຽກງານຂອງ ສຄອ ແຂວງອັດຕະປື ໃນໄລຍະຜ່ານມາ ແລະ ທິດທາງແຜນການ 3 ປີຕໍ່ໜ້າ (2024-2027).

ກອງປະຊຸມໃຫຍ່ຄົບຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຂວງອັດຕະປື ຄັ້ງທີ III ໄດ້ຕົກລົງເຫັນດີເປັນເອກະພາບດັ່ງນີ້:

ຕົກລົງເລືອກເອົາຄະນະປະຈໍາ ແລະ ຄະນະບໍລິຫານງານ ຈຳນວນ 35 ທ່ານ ເຊິ່ງມີລາຍລະອຽດດັ່ງລຸ່ມນີ້:

1.    ທ່ານ ບຸນກອງ ໄຊຍະແສງ                               ຄະນະປະຈໍາ,ເປັນປະທານ

2.    ທ່ານ ສຸລິສັກ ເດດພະຈັນ                                ຄະນະປະຈໍາ,ເປັນຮອງປະທານ

3.    ທ່ານ ນ. ແສງອໍາພອນ ພິຈິດ             ຄະນະປະຈໍາ,ເປັນຮອງປະທານ

4.    ທ່ານ ບຸນລ້ອມ ສິງລາດສົມບູນ                       ຄະນະປະຈໍາ,ເປັນຮອງປະທານ

5.    ທ່ານ ເດດລຳພອນ ໄຊຍະສິດ              ຄະນະປະຈໍາ,ເປັນຮອງປະທານ

6.    ທ່ານ ນ. ບົວລະພາ ພົມມະຈັນ                        ຄະນະປະຈໍາ,ເປັນຄະນະ

7.    ທ່ານ ພອນສະຫວັນ ໄຊທະນາສີ                      ຄະນະປະຈໍາ,ເປັນຄະນະ

8.    ທ່ານ ບຸນແຫຼມ ກິວົງສັກ                                 ຄະນະປະຈໍາ,ເປັນຄະນະ

9.    ທ່ານ ກຸຫຼາບ ສັກສົງຄາມ                                ຄະນະປະຈໍາ,ເປັນຄະນະ

10. ທ່ານ ນ. ວັນແສງ ສີສົງຄາມ               ຄະນະປະຈໍາ,ເປັນຄະນະ

11. ທ່ານ ສົມສັກ ຈັນທະສອນ                               ຄະນະປະຈໍາ,ເປັນຄະນະ

12. ທ່ານ ປາລະມີ ກິຖາວອນ                                 ຄະນະປະຈໍາ,ເປັນຄະນະ

13. ທ່ານ ບຸນຮຽງ ຄໍາຫລ້າ                        ຄະນະປະຈໍາ,ເປັນຄະນະ

14. ທ່ານ ແປງທອງ ພິມມະວົງສາ             ຄະນະບໍລິຫານງານ,ເປັນກໍາມະການ

15. ທ່ານ ເວຫາ ຫອມສົມບັດ                                ຄະນະບໍລິຫານງານ,ເປັນກໍາມະການ

16. ທ່ານ ແກ້ວກິຊຽນ ສີຊານົນ                 ຄະນະບໍລິຫານງານ,ເປັນກໍາມະການ

17. ທ່ານ ນ. ວຽງເພັດ ວຽງສະຫວັນ                      ຄະນະບໍລິຫານງານ,ເປັນກໍາມະການ

18. ທ່ານ ສຸກສະຫວັນ ໄຊຍະແສງ              ຄະນະບໍລິຫານງານ,ເປັນກໍາມະການ

19. ທ່ານ ສຸດທາ ຟ້າຊະນະຄາມ                ຄະນະບໍລິຫານງານ,ເປັນກໍາມະການ

20. ທ່ານ ນ. ວິໄລສອນ ມະນີແສງ             ຄະນະບໍລິຫານງານ,ເປັນກໍາມະການ

21. ທ່ານ ບົວຄໍາ ຂັນທະໄຊໂຍ                                ຄະນະບໍລິຫານງານ,ເປັນກໍາມະການ

22. ທ່ານ ອຸ່ນໃຈ ແກ້ວມະນີ                                   ຄະນະບໍລິຫານງານ,ເປັນກໍາມະການ

23. ທ່ານ ວິລະສັກ ດວງດາລາ                     ຄະນະບໍລິຫານງານ,ເປັນກໍາມະການ

24. ທ່ານ ສອນສົມສັກ ບຸນຍະແສງ                ຄະນະບໍລິຫານງານ,ເປັນກໍາມະການ

25. ທ່ານ ນ. ບົວລະພັນ ບູບຜາພັນ                      ຄະນະບໍລິຫານງານ,ເປັນກໍາມະການ

26. ທ່ານ ໄຊຍະວົງ ດວງໂສພາ                               ຄະນະບໍລິຫານງານ,ເປັນກໍາມະການ

27. ທ່ານ ນ. ພອນແກ້ວ ແກ້ວລະຄອນ                ຄະນະບໍລິຫານງານ,ເປັນກໍາມະການ

28. ທ່ານ ນ.ທິດສະໄຫມ ໂຄດໂຍທາ                      ຄະນະບໍລິຫານງານ,ເປັນກໍາມະການ

29. ທ່ານ ວໍລະວຸດ ສຸຂາວັນ                                    ຄະນະບໍລິຫານງານ,ເປັນກໍາມະການ

30. ທ່ານ ນ. ພຸດສະໄຫມ ສິງປະເສີດ                     ຄະນະບໍລິຫານງານ,ເປັນກໍາມະການ

31. ທ່ານ ແກ້ວຄໍາ ພຽງມະນີພັນ              ຄະນະບໍລິຫານງານ,ເປັນກໍາມະການ

32. ທ່ານ ແສງພະຈັນ ໂພທິສານ               ຄະນະບໍລິຫານງານ,ເປັນກໍາມະການ

33. ທ່ານ ນ. ແກ້ວມະນີ ທະວີໄຊ                ຄະນະບໍລິຫານງານ,ເປັນກໍາມະການ

34. ທ່ານ ເກື່ອງ ເລຫວຽດ                         ຄະນະບໍລິຫານງານ,ເປັນກໍາມະການ

35. ທ່ານ ວິລະໄຊ ພັນທະວົງ                                  ຄະນະບໍລິຫານງານ,ເປັນກໍາມະການ     

ພ້ອມດຽວກັນນັ້ນ; ໄດ້ເລືອກເອົາເລືອກເອົາຄະນະທີ່ປຶກສາກິດຕິມະສັກ, ຄະນະກວດກາ, ເລຂາທິການ ເຊິ່ງມີລາຍຊື່ດັ່ງລຸ່ມນີ້:

1.    ທ່ານ ສະໄຫວກາບ ແພງຄໍາກີບ                      ເປັນປະທານທີ່ປຶກສາກິຕິມະສັກ,

2.    ທ່ານ ຄໍາໄພ ຄໍາພິລາວົງ                                  ເປັນຮອງປະທານທີ່ປຶກສາກິຕິມະສັກ,

3.    ທ່ານ ປາລະມີ ກິຖາວອນ                                 ເປັນປະທານກວດກາ

4.    ທ່ານ ສີວຽງແຂກ ຈັນທະວົງ                ເປັນເລຂາທິການ

ໃນທີ່ກອງປະຊຸມ ທ່າານ ພູໄຊ ເທບພະວົງ ເລຂາທິການ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ກ່າວມີຄໍາເຫັນຕໍ່ກອງປະຊຸມກ່ຽວກັບປະຫວັດຄວາມເປັນມາຂອງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ພາລະບົດບາດໜ້າທີ່ໃໝ່ຕາມດຳລັດ 237/ນຍ. ນອກຈາກນັ້ນ, ຍັງຮຽກຮ້ອງໃຫ້ບັນດາຄະນະບໍລິຫານງານ ສະພາການຄ້າ ແລະ ອຸດສາຫະກຳ ແຂວງອັດຕະປື ຊຸດໃໝ່ນີ້ ຈົ່ງໄດ້ເອົາໃຈໃສ່ບຸກໜ້າບືນຕົວ ແລະ ສຸມສະຕິປັນຍາ ເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງຕົນ ທີ່ຖືກມອບໜາຍ ໃນການສືບຕໍ່ຈັດຕັ້ງປະຕິບັດແຜນຍຸດທະສາດຂອງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ວາງອອກໃນການພັດທະນາພາກທຸລະກິດໃນ ສປປ ລາວ ສຳລັບປີ 2021-2025 ທີ່ປະກອບດ້ວຍ 6 ເສົາຄໍ້າ:

(1) ເສົາຄ້ຳທີ1: ການພົບປະລະຫວ່າງລັດ-ທຸລະກິດ ເພື່ອປັບປຸງແວດລ້ອມການດຳເນີນທຸລະກິດ;

(2) ເສົາຄ້ຳທີ2: ການພັດທະນາສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ (SME) ໂດຍຜ່ານສູນບໍລິການ SME (SSC);

(3) ເສົາຄ້ຳທີ3: ການສົ່ງເສີມຕະຫຼາດຜະລິດຕະພັນລາວ;

(4) ເສົາຄ້ຳທີ 4: ການເຊື່ອມໂຍງເສດຖະກິດພາກພື້ນ ແລະ ການສົ່ງເສີມການລົງທືນທີ່ຢືນຍົງ;

(5) ເສົາຄ້ຳທີ 5: ການພັດທະນາຜູ້ປະກອບການ ແລະ ກິດຈະກຳຜູ້ໃຊ້ແຮງງານປະກອບ;

(6) ເສົາຄ້ຳທີ 6: ຂ້້ມູນຂ່າວສານ, ການພົວພັນມວນຊົນ ແລະ ການບໍລິການໃຫ້ສະມາຊິກ

ໃນກອງປະຊຸມຍັງໄດ້ຮັບກຽດທ່ານ ທະນູໄຊ ບັນຊາລິດ ຮອງເຈົ້າແຂວງ ແຂວງອັດຕະປື ໃຫ້ຄຳເຫັນ ແລະ ໂອ້ລົມໃຫ້ທິດເຍືອງທາງແກ່ ສຄອ ແຂວງອັດຕະປື ກໍ່ຄື ຄະນະບໍລິຫານງານ ຊຸດທີ ໃໝ່ ໃນຫລາຍຫຼາຍດ້ານ, ເຊິ່ງມີຄວາມໝາຍຄວາມສຳຄັນຢ່າງຍິ່ງ ໂດຍສະເພາະໄດ້ຊີ້ນໍາໃຫ້ຄະນະບໍລິຫານງານ ສຄອ ແຂວງອັດຕະປື ຕ້ອງມີຄວາມສາມັກຄີ, ມີຈິດໃຈຮັກຊາດ, ເຊື່ອໝັ້ນການນໍາພາຂອງພັກ ແລະ ລັດຖະບານ, ຕັ້ງໜ້າປະຕິບັດວຽກງານຕາມພາລະບົດບາດແນ່ໃສ່ສ້າງຄວາມເຂັ້ມແຂງໃຫ້ພາກທຸລະກິດ, ເອົາໃຈໃສ່ຜັນຂະຫຍາຍຍຸດທະສາດ 6 ເສົາຄໍ້າ ຂອງສະພາການຄ້າ ແລະ ອຸດສາຫະກໍາ ແຫ່ງຊາດລາວ ແລະ ຈັດຕັ້ງປະຕິບັດ ແຜນຍຸດທະສາດການພັດທະນາ ສຄອ ແຂວງອັດຕະປື ໃຫ້ມີປະສິດທີຜົນ, ມີແບບແຜນວິທີເຮັດວຽກ, ລວມສູນປະຊາທິປະໄຕ, ມີລະບຽບ, ມີຄວາມໂປ່ງໃສ ແລະ ກວດສອບໄດ້.

 ນອກຈາກນີ້, ທ່ານ ທະນູໄຊ ບັນຊາລິດ ຮອງເຈົ້າແຂວງ ແຂວງອັດຕະປື ຍັງໄດ້ໃຫ້ຄຳເຫັນ ຕື່ມໃນກອງປະຊຸມ ເພື່ອພ້ອມກັນນຳໄປຈັດຕັ້ງປະຕິບັດໃຫ້ມີປະສິດທິຜົນໃນອະນາຄົດ ດັ່ງນີ້:

1. ສະເໜີໃຫ້ສະພາການຄ້າ ແລະ ອຸດສາຫະກຳ ແຂວງອັດຕະປື ເປັນເຈົ້າການໃນການຈັດກອງປະຊຸມພົບປະພາກລັດ ແລະ ພາກທຸລະກິດ ເພື່ອເປັນເວທີປຶກສາຫາລື.
2. ເຕົ້າໂຮມທຸລະກິດໃຫ້ມີຄວາມສາມັກຄີ ສະໜັບສະໜູນຊ່ວຍເຫຼື່ອ ເຊິ່ງກັນ ແລະ ກັນ.
3. ສົ່ງເສີມການຜະລິດ ແລະ ຊົມໃຊ້ ພາຍໃນ ທົດແທນການນໍາເຂົ້າສິນຄ້າ. ຊອກຫາທ່າແຮງການຜະລິດກະສິກໍາເປັນສິນຄ້າ, ການສົ່ງເສີມການທ່ອງທ່ຽວ, ການບໍລິການ, ອຸດສາຫະກຳບໍ່ແຮ່ ພາຍໃນແຂວງ, ການພັດທະນາສິນຄ້າໜຶ່ງເມືອງໜຶ່ງຜະລິດຕະພັນ ແລະ ສ້າງກິດຈະກຳເພື່ອກະຕຸ້ນເສດຖະກິດ ພາຍໃນແຂວງ.
4. ຖືເອົາໂອກາດການລົງທຶນຢູ່ໃນ ລະບົບໂລຈິດສະຕິກ ແລະ ການເຊື້ອມໂຍງ, ເຊື່ອມຈອດ ກັບ ບັນດາປະເທດຕ່າງໆ ຂອງ ສປປ ລາວ ໂດຍສະເພາະແມ່ນນໍາໃຊ້ທ່າແຮງການເຊື່ອມໂຍງຂອງ ແຂວງອັດຕະປື ກັບປະເທດເພື່ອນບ້ານ ໃຫ້ໄດ້ຮັບຜົນປະໂຫຍດສຸງສຸດ.
5. ຂໍບັນດາພະແນການ ໃຫ້ການສະໜັບສະໜູນ ການຈັດຕັ້ງປະຕິບັດດໍາລັດ 237/ນຍ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ສຄອຊ ແລະ ສະໜັບສະໜູນໃຫ້ ບັນດາທຸລະກິດຂອງແຂວງ ເຂົ້າມາຢູ່ໃນການຈັດຕັ້ງຂອງ ສຄອ ແຂວງອັດຕປື, ສະມາຄົມ ແລະ ກຸ່ມທຸລະກິດ ເພື່ອໃຫ້ສາມາດຊ່ວຍເຫຼືອ ເຊິ່ງກັນ ແລະ ກັນ.
6. ໃຫ້ບັນດາພະແນກການ ຊ່ວຍສະໜັບສະໜູນ ເອື້ອຍອຳນວຍສະພາບແວດລ້ອມ ຕາມລະບຽບກົດໝາຍ, ສ້າງຄວາມເຂັ້ມແຂງໃຫ້ ສຄອ ແຂວງອັດຕະປື.

ກອງປະຊຸມໄດ້ປະສົບຜົນສຳເລັດ ແລະ ປິດລົງໃນເວລາ 12:00 ຂອງວັນດຽວກັນ