ໃນຕອນເຊົ້າຂອງວັນທີ 31 ມັງກອນ 2024. ທ່ານ ດາວວອນ ພະຈັນທະວົງ ຮອງປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ ພ້ອມດ້ວຍຄະນະ ລົງເຄື່ອນໄຫວຢ້ຽມຢາມ

ບໍລິສັດ ລ້ານຊ້າງ ມີເນໂຣນສ໌ ຈຳກັດ, ຄະນະທຸລະກິດ ຜູ້ຊົງຄຸນວຸດທິ VVIP ຂອງ ສະພາການຄ້າ ແລະ ອຸດສາຫະກຳແຫ່ງຊາດລາວ

ໃຫ້ກຽດຕ້ອນຮັບໂດຍ ທ່ານ ສະໝານ ອະເນກາ ຜູ້ອຳນວຍການ ບໍລິສັດ ລ້ານຊ້າງ ມີເນໂຣນສ໌ ຈຳກັດ ແລະ ໄດ້ໂອ້ລົມກ່ຽວກັບສະພາບໂດຍລວມຂອງບໍລິສັດ ແລະ ຄວາມຄືບໜ້າ ໃນການດໍາເນີນທຸລະກິດ

ໂອກາດນີ້, ທ່ານ ດາວວອນ ພະຈັນທະວົງ ໄດ້ກ່າວຂອບໃຈ ແລະ ຍັງໄດ້ສະແດງຄວາມຊົມເຊີຍ ຕໍ່ຜົນງານການເຄື່ອນໄຫວຂອງບໍລິສັດ ທີ່ໄດ້ສະໜັບສະໜູນກິດຈະກຳຂອງ ສຄອຊ ໃນໄລຍະຜ່ານມາທີ່ເປັນສ່ວນໜື່ງໃນການປະກອບສ່ວນຊຸກຍູ້ສົ່ງເສີມສ້າງຄວາມເຂັ້ມແຂງໃຫ້ແກ່ພາກທຸລະກິດ ແລະ ສຄອຊ ໃຫ້ມີການຂະຫຍາຍຕົວຂື້ນເທື່ອລະກ້າວ.