ບໍລິສັດ ຢູນິລິເວີເຊີວິດສ໌ (ລາວ) ຈຳກັດຜູ້ດຽວປະກອບສ່ວນມອບເຄື່ອງອຸປະໂພກ-ບໍລິໂພກ ໃຫ້ແກ່ລັດຖະບານ ສປປ ລາວ ເວົ້າລວມ, ເວົ້າສະເພາະກໍ່ແມ່ນ ກະຊວງ ສາທາລະນະສຸກ ເພື່ອເປັນການປະກອບສ່ວນເຂົ້າໃນວຽກງານການຕໍ່ສູ້ກັບການລະບາດຂອງພະຍາດໂຄວິດ-19 ລວມມູນຄ່າທັງໝົດແມ່ນ 44,6 ລ້ານກີບ

ພິທີມອບ-ຮັບເຄື່ອງຊ່ວຍເຫຼືອດັ່ງກ່າວແມ່ນໄດ້ຈັດຂຶ້ນໃນວັນທີ 3 ມິຖຸນາ 2021 ທີ່ກະຊວງ ສາທາລະນະສຸກ. ໂດຍໃຫ້ກຽດເຂົ້າຮ່ວມຂອງ ດຣ ສະໜອງ ທອງຊະນະ ຮອງລັດຖະມົນຕີ ກະຊວງ ສາທາລະນະສຸກ ພ້ອມດ້ວຍຄະນະ ແລະ ທ່ານ ດິກເກີສັນ ມານຳປັນ ຜູ້ຈັດການ ບໍລິສັດ ຢູນິລິເວີເຊີວິດສ໌ (ລາວ) ຈຳກັດຜູ້ດຽວ

ມາຮອດປະຈຸບັນ ຢູນິລິເວີ ໄດ້ປະກອບສ່ວນເຄື່ອງອຸປະໂພກ-ບໍລິໂພກ ແລະ ເຄື່ອງຊ່ວຍຫາຍໃຈຈຳນວນ 10 ເຄື່ອງໃຫ້ແກ່ກະຊວງ ສາທາລະນະສຸກ ເພື່ອນຳໃຊ້ເຂົ້າໃນການຕໍ່ສູ້ກັບການລະບາດຂອງພະຍາດໂຄວິດ-19  ລວມມູນຄ່າຫຼາຍກວ່າ 490 ລ້ານກີບ ຫຼື 53,000 ໂດລາສະຫະລັດ.

ບໍລິສັດຄວາມມຸ້ງຫວັງທີ່ຈະສືບຕໍ່ການພົວພັນຮ່ວມມືກັບລັດຖະບານລາວລວມເຖິງພາກສ່ວນທີ່ກ່ຽວຂ້ອງ ເພື່ອຊ່ວຍຢຸດຢັ້ງການລະບາດຂອງພະຍາດໂຄວິດ-19 ໃນ ສປປ ລາວ