ຕ້ອນຮັບບັນດາທ່ານເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສປປ ລາວ ໄປປະຈຳການຢູ່ຕ່າງປະເທດ, ໃນວັນທີ່ 17 ຕຸລາ 2022, ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ.

ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳແຫ່ງຊາດລາວ ( ສຄອຊ) ພ້ອມດ້ວຍຄະນະປະຈຳ ສຄອຊ, ໄດ້ຕ້ອນຮັບບັນດາທ່ານເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສປປ ລາວ ໄປປະຈຳການຢູ່ຕ່າງປະເທດທັງໝົດ 5 ທ່ານ, ເພື່ອໂອ້ລົມປຶກສາຫາລື ແລະ ໃຫ້ຂໍ້ມູນກ່ຽວກັບການສົ່ງເສີມບົດບາດຂອງພາກທຸລະກິດ ແລະ ທ່າແຮງທາງດ້ານເສດຖະກິດຂອງ ສປປ ລາວ ທີ່ສາມາດດືງດູດການຮ່ວມມືລົງທຶນຈາກຕ່າງປະເທດໄດ້.

1. ທ່ານ ແກ້ວ ມັກຄະຜົນ,ເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສປປ ລາວ ປະຈຳ ສປປ ເກົາຫຼີ.

2. ທ່ານ ບຸນມີ ວັນມະມີ, ເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສປປ ລາວ ປະຈຳ ສ.ອິນເດຍ

3. ທ່ານ ສົງການ ຫຼວງມຸນິນທອນ, ເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສປປ ລາວ ປະຈຳ ສ. ເກົາຫຼີ

4. ທ່ານ ດວງມະນີ ຍອດສີອຸດົມ, ເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສປປ ລາວ ປະຈຳ ຣ.ອັງກິດ

5. ທ່ານ ສອນໄຊ ວັນນະໄຊ, , ເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງ ສປປ ລາວ ປະຈຳ ປະເທດ ຟີລິບປິນ.