ແຈ້ງການ ປະກອບສ່ວນຊ່ວຍເຫຼືອຜູ້ປະສົບໄພນໍ້າຖ້ວມຢູ່ເມືອງສະໜາມໄຊ, ແຂວງອັດຕະປື.

ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ຂໍຖືເປັນກຽດແຈ້ງມາຍັງບັນດາສະມາຊິກ ແລະ ຜູ້ປະກອບການ ທຸກທົ່ວໜ້າຊາບວ່າ ສຄອຊ ຂອງພວກເຮົາ ໄດ້ຈັດຕັ້ງໜ່ວຍງານເພື່ອລະດົມການຊ່ວຍເຫຼືອ ຜູ້ປະສົບໄພນໍ້າຖ້ວມ ຢູ່ເມືອງສະໜາມໄຊ, ແຂວງອັດຕະປື ຂື້ນ ທີ່ ຫ້ອງການ ສຄອຊ ເພື່ອຊ່ວຍເຫຼືອ ແລະ ບັນເທົາທຸກແກ່ຄອບຄົວຜູ້ທີ່ໄດ້ຮັບຜົນກະທົບຈາກການປ່ອຍນໍ້າອອກຈາກເຂື່ອນເຊນໍ້ານ້ອຍ ໃນວັນທີ 23 ກໍລະກົດ 2018 ນີ້.
**ສະພາບປັດຈຸບັນ:
– ກອງທັບ ແລະ ອຳນາດ ການປົກຄອງຂອງແຂວງ, ເມືອງກຳລັງຄົ້ນຫາ ແລະ ກູ້ໄພ ປະຊາຊົນທີ່ຍັງຕົກຄ້າງຢູ່ທີ່ຖຶກນໍ້າຖ້ວມ.
– ເຈົ້າໜ້າທີ່ຂອງແຂວງ ໄດ້ຍົກຍ້າຍປະຊາຊົນທີ່ຖຶກນໍ້າຖ້ວມຫຼາຍກ່ວາ 1000 ຄອບຄົວໄປຢູ່ເຂດທີ່ປອດໄພ.
– ຄວາມຕ້ອງການທີ່ຮີບດ່ວນສຸກເສີນ:
(1) ທີ່ພັກຊົ່ວຄາວສຸກເສີນ ເຕັ້ນ.
(2) ເຄື່ອງນຸ່ງຫົ່ມ, ທີ່ນອນ, ໝອນ, ມຸ້ງ.
(3) ເຄື່ອງໃຊ້ຄົວເຮືອນ.
(4) ອາຫານ,ນໍ້າດື່ມ, ວິດຖ່າຍ.
(5) ຢ່າປົວພະຍາດ ແລະ ອື່ນໆ…
– ເຈົ້າໜ້າທີ່ຂອງແຂວງ ດ້ານກຳລັງ ແລະ ພາຫະນະ: ຕ້ອງການເຮຶອ ແລະ ລົດຂົນສົ່ງເພື່ອຄົ້ນຫາ ແລະ ກູ້ໄພ.
ດັ່ງນັ້ນ ສຄອຊ ຈຶ່ງສະເໜີມາຍັງບັນດາບໍລິສັດ ເພື່ອປະກອບສ່ວນ ດ້ານງົບປະມານ, ເຄື່ອງອຸປະໂພກ ແລະ ພາຫະນະຕາມຄວາມເໝາະສົມ ເພື່ອໄປຊ່ວຍຜູ້ປະສົບໄພ ທີ່ກ່າວມາຂ້າງເທິງນັ້ນ.
ກະລຸນາແຈ້ງການປະກອບສ່ວນຂອງທ່ານມາຍັງຫ້ອງການ ສຄອຊ ບ້ານໂພນພະເນົາ, ຫຼັກ 05, ຖະໜົນໄກສອນ ພົມວິຫານ, ເມືອງໄຊເສດຖາ, ນະຄອນຫຼວງວຽງຈັນ.
ໂທ: 021 453 312-4
ມືຖື: 020 5581 3681, 020 5555 3929, 020 5517 3030
ຫຼື ປະກອບສ່ວນເປັນເງີນມາຍັງໝາຍເລກບັນຊີລຸ່ມນີ້:
ຊື່ເຈົ້າຂອງບັນຊີ: ສະພາການຄ້າ ແລະ ອຸດສາຫະກຳ ແຫ່ງຊາດລາວ (ທະນາຄານພັດທະນາລາວ)
ໝາຍເລກບັນຊີ: 0300100010000014